ۇلتتىق بانك ازىق-ت ۇلىكتىڭ نەگە قىمباتتاپ جاتقانىن ءتۇسىندىردى

بۇگىنگى تاڭدا قازاقستانداعى ينفلياتسياعا ەڭ كوپ ۇلەس قوسىپ وتىرعان – قىزمەت كورسەتۋ سالاسى. بۇل تۋرالى ۇلتتىق بانك توراعاسى تيمۋر سۇلەيمەنوۆ ءمالىم ەتتى, دەپ حابارلايدى Qandastar.kz اقپارات پورتالى.

سۇلەيمەنوۆتىڭ ايتۋىنشا, قازاقستانداعى ورتاشا ينفلياتسيا 11,3%. ال قىزمەت تۇرلەرى 16%-عا قىمباتتاعان.

قىزمەت كورسەتۋ – تاۋاردان مۇلدە بولەك كورسەتكىش. قىزمەتتەر – سول جەردە بىردەن تۇتىنىلادى. مىسالى, تاۋاردى ارزان يمپورتپەن اۋىستىرۋعا بولادى, ال قىزمەت – جەرگىلىكتى, ياعني ىشكى نارىققا تاۋەلدى. سول سەبەپتى قىزمەت باعاسى ىشكى سۇرانىستىڭ ارتىپ جاتقانىن ەڭ ايقىن كورسەتەدى. ەگەر ەكونوميكادا ارتىق اقشا بولسا, شوكتار مەن ۇسىنىس تاپشىلىعى بولماعان جاعدايدا, ەڭ الدىمەن قىمباتتايتىن سالا – قىزمەت كورسەتۋ, – دەيدى ۇلتتىق بانك توراعاسى.

سونداي-اق, ول ازىق-ت ۇلىك باعاسىنىڭ قىمباتتاۋىنا دا توقتالدى. ونىڭ ىشىندە كارتوپ, قانت جانە ەتتىڭ باعاسى ەرەكشە قارقىنمەن ءوسىپ جاتقانىن ايتادى.

ازىق-ت ۇلىك ينفلياتسياسىنا رۋبل باعامىنىڭ اسەرى دە بار. قازىر قازاقستان ازىق-ت ۇلىك يمپورتىنىڭ شامامەن 45%-ىن رەسەيدەن الادى. گەوساياسي فاكتورلار اياسىندا ءرۋبلدىڭ نىعايۋى رەسەيلىك تاۋارلاردى قازاقستان ءۇشىن قىمباتتاتىپ جىبەردى.
⠀
تيمۋر سۇلەيمەنوۆ ينفلياتسيانى تەجەۋگە باعىتتالعان امالداردى اتادى.

ەكونوميكا جوعارى قارقىنمەن دامىعان كەزدە بيۋدجەت تاراپىنان اقشا اعىنىن ازايتىپ, ال باياۋلاعان كەزدە – كەرىسىنشە, ۇكىمەت تاراپىنان قولداۋ كورسەتۋ كەرەك. بۇل ءتاسىل قازىر بيۋدجەت, سالىق كودەكستەرىندە جانە وزگە قۇجاتتاردا ناقتى كورىنىس تاپقان. 2026 جىلعى بيۋدجەت جوباسىندا بۇل مەحانيزم تولىق ىسكە اسادى دەپ ۇمىتتەنەمىز. بۇل – جۇيەلى شارا. بىراق ونىڭ اسەرى بىردەن بايقالمايدى, – دەدى سۇلەيمەنوۆ.

ول تۇتىنۋشىلىق نەسيەلەۋگە شەكتەۋ قويۋ كەرەگىن ايتادى.

سوڭعى بەس جىلدا تۇتىنۋشىلىق نەسيەلەۋ جىلىنا 30%-عا ءوسىپ وتىر. بۇل – حالىق تابىسى مەن ءجىو وسىمىنەن الدەقايدا جوعارى. بۇل جەردە كەم دەگەندە «قىزۋقاندى» ءوسىم بەلگىلەرى بار, ءبىز سونى دەر كەزىندە بايقاپ, باقىلاۋعا العىمىز كەلەدى, – دەدى ۇلتتىق بانك باسشىسى.