Ulttyq bank azyq-túliktiń nege qymbattap jatqanyn túsindirdi

Búgingi tańda Qazaqstandaǵy ınflıaııaǵa eń kóp úles qosyp otyrǵan – qyzmet kórsetý salasy. Bul týraly Ulttyq bank tóraǵasy Tımýr Súleımenov málim etti, dep habarlaıdy Qandastar.kz aqparat portaly.

Súleımenovtiń aıtýynsha, Qazaqstandaǵy ortasha ınflıaııa 11,3%. Al qyzmet túrleri 16%-ǵa qymbattaǵan.

Qyzmet kórsetý – taýardan múlde bólek kórsetkish. Qyzmetter – sol jerde birden tutynylady. Mysaly, taýardy arzan ımportpen aýystyrýǵa bolady, al qyzmet – jergilikti, ıaǵnı ishki naryqqa táýeldi. Sol sebepti qyzmet baǵasy ishki suranystyń artyp jatqanyn eń aıqyn kórsetedi. Eger ekonomıkada artyq aqsha bolsa, shoktar men usynys tapshylyǵy bolmaǵan jaǵdaıda, eń aldymen qymbattaıtyn sala – qyzmet kórsetý, – deıdi Ulttyq bank tóraǵasy.

Sondaı-aq, ol azyq-túlik baǵasynyń qymbattaýyna da toqtaldy. Onyń ishinde kartop, qant jáne ettiń baǵasy erekshe qarqynmen ósip jatqanyn aıtady.

Azyq-túlik ınflıaııasyna rýbl baǵamynyń áseri de bar. Qazir Qazaqstan azyq-túlik ımportynyń shamamen 45%-yn Reseıden alady. Geosaıası faktorlar aıasynda rýbldiń nyǵaıýy reseılik taýarlardy Qazaqstan úshin qymbattatyp jiberdi.
⠀
Tımýr Súleımenov ınflıaııany tejeýge baǵyttalǵan amaldardy atady.

Ekonomıka joǵary qarqynmen damyǵan kezde bıýdjet tarapynan aqsha aǵynyn azaıtyp, al baıaýlaǵan kezde – kerisinshe, úkimet tarapynan qoldaý kórsetý kerek. Bul tásil qazir bıýdjet, salyq kodeksterinde jáne ózge qujattarda naqty kórinis tapqan. 2026 jylǵy bıýdjet jobasynda bul mehanızm tolyq iske asady dep úmittenemiz. Bul – júıeli shara. Biraq onyń áseri birden baıqalmaıdy, – dedi Súleımenov.

Ol tutynýshylyq nesıeleýge shekteý qoıý keregin aıtady.

Sońǵy bes jylda tutynýshylyq nesıeleý jylyna 30%-ǵa ósip otyr. Bul – halyq tabysy men JIО́ ósiminen áldeqaıda joǵary. Bul jerde kem degende «qyzýqandy» ósim belgileri bar, biz sony der kezinde baıqap, baqylaýǵa alǵymyz keledi, – dedi Ulttyq bank basshysy.