ۇلتتىق بانك باسشىسى 10 جىل بويى پاتەر جالداپ, يپوتەكاعا اقشا جيناعانىن ايتتى

فوتو: inbusiness.kz

ۇلتتىق بانك توراعاسى تيمۋر سۇلەيمەنوۆ يپوتەكانىڭ باستاپقى جارناسىن 10 جىل بويى جيناعانىن ايتتى. بۇل تۋرالى Stan.kz اقپارات اگەنتتىگى حابارلايدى.

ۇلتتىق بانك باسشىسىنىڭ «العاشقى جارناسىز يپوتەكا» پەتيتسياسىنا قاتىستى پىكىرى سۇرالدى. پەتيتسيا اۆتورلارى, يپوتەكا بويىنشا باستاپقى جارنانى الىپ تاستاۋدى تالاپ ەتكەن. ويتكەنى كەي قازاقستاندىقتار باستاپقى جارنانىڭ جوقتىعىنان جەڭىلدەتىلگەن يپوتەكالىق باعدارلامالارعا دا قاتىسا المايدى جانە ولارعا قاراجات جيناۋ قيىن.

سۇلەيمەنوۆ العاشقى جارنا كوپجىلدىق مىندەتتەمەلەردى ءوز موينىنا الۋعا دايىن ازاماتقا جۇكتەلەتىن مىندەت ەكەنىن ايتتى. سونداي-اق ول ءۇي ساتىپ الۋداعى جەكە تاجىريبەسىن ءبولىستى.

«مەن دە جاس كەزىمدە 10 جىل بويى پاتەر جالداپ, يپوتەكانىڭ باستاپقى جارناسىنا اقشا جينادىم”, – دەدى سۇلەيمەنوۆ.

جۋرناليستەر ۇلتتىق بانك توراعاسىنا: «جاستار تابىسىنىڭ ءبىر بولىگىن پاتەر جالداۋعا, قالعانىن تاماققا جۇمسايتىن بولسا, باستاپقى جارنانى جيناۋ مۇمكىن دەگەن شىندىققا سايكەس كەلە مە?» دەگەن سۇراق قويدى.

ۇلتتىق بانك باسشىسى يپوتەكانىڭ بانكتىك ءونىم ەكەنىن جانە بانك باستاپقى جارناسىز نەسيە بەرگىسى كەلسە, بۇل ونىڭ بارلىق تاۋەكەلدەردى تارازىعا العانىن جانە ونى ازاماتتارعا ۇسىنا الاتىنىن ايتتى.

سۇلەيمەنوۆ يپوتەكا نارىعىن قاتاڭ تۇردە رەتتەۋ مۇمكىن ەمەس ەكەنىن جەتكىزدى. ويتكەنى بۇل تۇرعىن ءۇي نەسيەلەرىنىڭ تولىق جويىلىپ كەتۋىنە اكەلۋى مۇمكىن دەيدى.

ايتا كەتەيىك, بۇعان دەيىن قازاقستان مولدوۆالىق بيزنەسمەندەر اناتول جانە گابريەل ستاتيمەن كوپ جىلعا سوزىلعان داۋدى شەشكەنىن, ۇكىمەت, ۇلتتىق بانك جانە ستاتي تاراپتارى نەگىزدەمەلىك كەلىسىمگە قول قويعانى تۋرالى جازعان ەدىك.