Ulttyq bank basshysy 10 jyl boıy páter jaldap, ıpotekaǵa aqsha jınaǵanyn aıtty

Foto: inbusiness.kz

Ulttyq bank tóraǵasy Tımýr Súleımenov ıpotekanyń bastapqy jarnasyn 10 jyl boıy jınaǵanyn aıtty. Bul týraly Stan.kz aqparat agenttigi habarlaıdy.

Ulttyq bank basshysynyń «Alǵashqy jarnasyz ıpoteka» petıııasyna qatysty pikiri suraldy. Petıııa avtorlary, ıpoteka boıynsha bastapqy jarnany alyp tastaýdy talap etken. О́ıtkeni keı qazaqstandyqtar bastapqy jarnanyń joqtyǵynan jeńildetilgen ıpotekalyq baǵdarlamalarǵa da qatysa almaıdy jáne olarǵa qarajat jınaý qıyn.

Súleımenov alǵashqy jarna kópjyldyq mindettemelerdi óz moınyna alýǵa daıyn azamatqa júkteletin mindet ekenin aıtty. Sondaı-aq ol úı satyp alýdaǵy jeke tájirıbesin bólisti.

«Men de jas kezimde 10 jyl boıy páter jaldap, ıpotekanyń bastapqy jarnasyna aqsha jınadym”, – dedi Súleımenov.

Jýrnalıster Ulttyq bank tóraǵasyna: «Jastar tabysynyń bir bóligin páter jaldaýǵa, qalǵanyn tamaqqa jumsaıtyn bolsa, bastapqy jarnany jınaý múmkin degen shyndyqqa sáıkes kele me?» degen suraq qoıdy.

Ulttyq bank basshysy ıpotekanyń banktik ónim ekenin jáne bank bastapqy jarnasyz nesıe bergisi kelse, bul onyń barlyq táýekelderdi tarazyǵa alǵanyn jáne ony azamattarǵa usyna alatynyn aıtty.

Súleımenov ıpoteka naryǵyn qatań túrde retteý múmkin emes ekenin jetkizdi. О́ıtkeni bul turǵyn úı nesıeleriniń tolyq joıylyp ketýine ákelýi múmkin deıdi.

Aıta keteıik, buǵan deıin Qazaqstan moldovalyq bıznesmender Anatol jáne Gabrıel Statımen kóp jylǵa sozylǵan daýdy sheshkenin, Úkimet, Ulttyq Bank jáne Statı taraptary negizdemelik kelisimge qol qoıǵany týraly jazǵan edik.