Ulttyq bank bazalyq mólsherlemeni taǵy ózgerissiz qaldyrdy

Qazaqstan Respýblıkasy Ulttyq Bankiniń Aqsha-kredıt saıasaty komıteti bazalyq mólsherlemeni +/- 1 p.t. dálizimen jyldyq 16,5% deńgeıinde belgileý týraly sheshim qabyldady, dep habarlaıdy Qandastar.kz.

Sheshim qabyldanǵanda naqty derekter, jańartylǵan boljamdardy taldaý men ınflıaııa táýekelderiniń balansyn baǵalaý kórsetkishteri eskerildi.

Mamyr aıynyń qorytyndysy boıynsha jyldyq ınflıaııa 11,3%-ǵa jetti. Sońǵy aılarda baǵanyń ósýinne túrtki bolǵan negizgi qozǵaýshy faktor – retteletin tarıfter men  naryqtyq qyzmetterdiń aıtarlyqtaı qymbattaýyna baılanysty servıstik ınflıaııa  bolyp otyr.

Baǵanyń ósý qarqyny azyq-túlik taýarlary boıynsha da jedeldegeni baıqaldy. Mamyrda aılyq ınflıaııa tarıhı dınamıkadan aıtarlyqtaı asyp, 0,9% boldy.

Syrtqy sektor tarapynan da baǵaǵa qysym kúsheıe tústi. Bul Reseıdegi joǵary ınflıaııanyń saqtalýyna, joǵary suranys pen valıýtalyq aýytqýlar aıasynda álemdik azyq-túlik baǵasynyń óse túsýine, sondaı-aq saýda qaqtyǵystarynyń kúsheıýinen jáne shıkizat taýarlary baǵasynyń qubylmalylyǵynan týyndaǵan joǵary belgisizdikke baılanysty.

Jahandyq baǵa ornyqty túrde ósý úrdisinde qaldy. Saýda-sattyqtaǵy shıelenis ınflıaııalyq táýekelderdi kúsheıtip, ónerkásip pen qyzmet kórsetý sektorynda iskerlik belsendilikti tejeı tústi.

Bazalyq senarıı aıasynda Brent markaly munaıdyń baǵasy boljamdy kezeńniń sońyna deıin orta eseppen barreline 60 AQSh dollaryna deıin tómendeý jaǵyna qaıta qaraldy.

Qalyptasqan joǵary ınflıaııa buryn boljanǵan ýaqyttan da uzaq ýaqyt boıy ustamdy qatań aqsha-kredıt sharttaryn saqtaýdy talap etedi. Táýekelder balansy proınflıaııalyq jaqqa aýysqan. Bul bazalyq mólsherlemeni 2025 jyldyń sońyna deıin qazirgi deńgeıde saqtalý yqtımaldyǵyn arttyrady. Qalyptasqan jaǵdaıdy saqtaý ınflıaııalyq kútýlerdi turaqtandyrýǵa, baǵa ósiminiń údeýine jol bermeýge jáne ınflıaııany 5%-dyq ortamerzimdi maqsatqa jetý jolynda ornyqty traektorııaǵa qaıtarýǵa baǵyttalǵan. Ulttyq Bank qajet bolǵan jaǵdaıda bazalyq mólsherlemeni kóterýi de múmkin, — dep málimdedi Ulttyq bank.