ۇلتتىق بانك دوللاردى ساتۋ مەن ساتىپ الۋعا قاتىستى جاڭا ەرەجە ەنگىزدى

فوتو: Sputnik / ۆلاديسلاۆ ۆودنەۆ

ۇلتتىق بانك دوللاردى ساتۋ مەن ساتىپ الۋعا قاتىستى جاڭا ەرەجە ەنگىزدى, دەپ جازدى qandastar.kz

ايىرباستاۋ پۋنكتتەرىندە شەتەل ۆاليۋتاسىن الىپ-ساتۋ باعامدارى اراسىنداعى سپرەد بەلگىلەندى. سپرەد دەگەنىمىز باعا ايىرماسى. ۇلتتىق بانكتىڭ جاڭا تالابى بويىنشا, ەندى دوللاردى ساتۋ مەن ساتىپ الۋ كەزىندەگى ايىرماشىلىق 7 تەڭگەدەن اسپاۋ كەرەك. مىسالى دوللار 528 تەڭگەدەن ساتىلسا, ونى ساتىپ الۋ باعامى 535 تەڭگەدەن اسپايدى. ال ەۋرودا ايىرماشىلىق 10 تەڭگەدەن اسپاۋى ءتيىس.

atamekenbusiness_qaz حابارلاعانداي, ەگەر بۇل ۆاليۋتا 539 تەڭگەدەن ساتىلسا, ونى ساتىپ الۋ باعاسى 549 تەڭگەدەن اسپاۋى قاجەت. ۇلتتىق بانك بۇل شارانى ەڭ الدىمەن ۆاليۋتا نارىعىنداعى الىپساتارلىق ارەكەتتەردى تومەندەتىپ, تەڭگەنى تۇراقتاندىرۋ ءۇشىن جاسالدى دەپ تۇسىندىرەدى. بۇعان دەيىن سپرەدتى بەلگىلەۋ 2020 جىلدان باستاپ 2023 جىلدىڭ باسىنا دەيىن ءجۇردى.