Ulttyq bank qazaqstandyqtardyń zeınetaqy qoryndaǵy aqshasyna Reseıdiń memlekettik oblıgaııalaryn satyp alǵan

Foto: ashyq derekkóz

Ulttyq bank qazaqstandyqtardyń zeınetaqysyna Reseıdiń memlekettik oblıgaııalaryn satyp alǵan. Bul týraly qandastar.kz Stan.kz aqparat agenttigine silteme jasap habarlaıdy.

2022 jyly ulttyq bank qazaqstandyqtardyń zeınetaqy qorynan 18,8 mlrd teńgege Reseıdiń qarjy mınıstrliginiń dollarmen kórsetilgen eýrooblıgaııalaryn satyp alǵan. Satyp alǵannan keıin baǵaly qaǵazdardyń quny 385 mıllıon teńgege tómendegen. Bul týraly málimet biryńǵaı jınaqtaýshy zeınetaqy qorynyń (BJZQ) 1 tamyzdaǵy esebinde kórsetilgen.

Ulttyq bank 2022 jylǵy 1, 2 jáne 3 aqpandaǵy, sondaı-aq 4 mamyrdaǵy reseılik memlekettik oblıgaııalardyń birneshe shyǵarylymyn satyp alǵan.

Aqpan aıyndaǵy oblıgaııalar 2,1-den 6,1 mlrd teńgege deıingi somaǵa satyp alynǵan jáne 4,25%-dan 12,75%-ǵa deıin paıda ákeledi dep boljanǵan. Alaıda 1 tamyzdaǵy jaǵdaı boıynsha bul baǵaly qaǵazdardyń baǵasy 20-35%-ǵa tómendedi.

Al mamyr aıynda alynǵan eki shyǵarylym 603 jáne 642 mln teńgege satyp alynǵan. Qazir olardyń quny shamamen tórt esege – 2,6 jáne 2,7 mlrd teńgege deıin ósken.

Jalpy alǵanda, reseılik baǵaly qaǵazdarǵa salynǵan ınvestıııalar Qazaqstan ulttyq bankiniń salystyrmaly túrde shaǵyn ınvestıııasy bolyp tabylady. Salystyrý úshin ulttyq bank AQSh-tyń memlekettik oblıgaııalaryna 2,14 trln teńge ınvestıııalaǵan, búginde olardyń quny 2,21 trln teńgege deıin ósti.

Eske salsaq, buǵan deıin zeınetaqy qory alaıaqtarǵa baılanysty qazaqstandyqtarǵa eskertý jasaǵan edi.