ۇلتتىق بانك قازاقستاندىقتارعا جۇگىنىپ, مالىمدەمە جاسادى

فوتو: zakon.kz

ۇلتتىق بانك الاياقتار ارەكەتى ءجيىلىپ كەتكەنىن ەسكەرتەدى. بۇل جولى قاسكويلەر مونەتارلىق ورتالىقتىڭ جەلىدە جالعان پاراقشالارىن اشقان, دەپ حابارلايدى Zakon.kz.

قاسكويلەر Instagram الەۋمەتتىك جەلىسىندە national_bank_kazakhstan دەگەن جالعان پاراقشا اشقان.

«وسى سەكىلدى فەيك-پاراقشالاردى اشۋ ارقىلى الاياقتار فيشينگتىك حاتتار جىبەرۋدەن باستاپ ازاماتتاردىڭ جەكە دەرەكتەرىن نەمەسە قاراجاتتارىن جىمقىرۋدى كوزدەيتىن ءتۇرلى جىمىسقى ارەكەتتەرگە بارادى. ۇلتتىق بانكتىڭ دومەنىنە ۇقساس اتاۋلاردى قولدانا وتىرىپ قاسكويلەر فيشينگتىك حاتتاردى جىبەرۋ ءۇشىن رەتتەۋشىنىڭ اتىنان جالعان پوشتا اشادى. ونداي حاتتاردا, ادەتتە, جالعان سايتقا سىلتەمە بەرىلەدى نەمەسە تولەم جاساۋعا ارنالعان وتىنىشتەر مەن تانىسۋعا شۇعىل قۇجاتتار بولادى. سىلتەمەگە باسقان جاعدايدا پايدالانۋشىنىڭ ءموبيلدى قۇرىلعىسىن قاشىقتان باسقارۋعا نەگىزدەلگەن الاياقتاردىڭ زياندى باعدارلاماسى قوندىرىلادى». قر ۇلتتىق بانكتىڭ ءباسپاسوز قىزمەتى

قازاقستان ۇلتتىق بانكى وزدەرىنىڭ Instagram-داعى جالعىز رەسمي اككاۋنتى –  https://www.instagram.com/national_bank_of_kazakhstan ەكەنىن ەسكە سالادى.