جاڭالىقتار
ۇلتتىق بانك توراعاسى كوشەلەردەگى ۆاليۋتا باعامى كورسەتىلگەن تاقتالار تۋرالى: بۇل 90-شى جىلدارداعى اناحرونيزم
فوتو: pixabay
قازاقستان رەسپۋبليكاسىنىڭ ۇلتتىق بانكىنىڭ توراعاسى تيمۋر سۇلەيمەنوۆ كوشەلەردەگى ۆاليۋتا باعامدارىن كورسەتەتىن تاقتايشالاردى الىپ تاستاۋدى ۇسىندى, دەپ حابارلايدى qandastar.kz Zakon.kz-كە سىلتەمە جاساپ.
ول كوشەلەر مەن جولداردا شەتەل ۆاليۋتالارىنىڭ باعامدارى كورسەتىلەتىن ايىرباستاۋ پۋنكتتەرىن 90-جىلداردىڭ ءاناحرونيزمى دەپ اتادى.
«90-جىلدارى قارجىلىق جۇيە بولماعان كەزدە, ۇنەمدەۋگە مۇمكىندىك جوق ەدى: دەپوزيتتەر دە بولمادى. كەز كەلگەن جيناق جاساۋ مۇمكىندىگى – بۇل تەك دوللار ساتىپ الۋ بولاتىن. ول كەزدە بۇل تاقتايشالار ماڭىزدى بولاتىن. اقشا اۋىستىرۋ ءۇشىن قىتايعا نەمەسە باسقا جاققا بارۋ كەرەك بولدى… قازىرگى ۋاقىتتا مۇنىڭ قاجەتى جوق», – دەدى ۇلتتىق بانك توراعاسى.
ول مەملەكەت, بيزنەس, قوعامنىڭ ءوزى دوللارسىزداندىرۋ ءۇشىن كوپ نارسە جاساعانىن اتاپ ءوتتى.
ء«بىز دەپوزيتتەردى دوللارسىزداندىرۋعا قول جەتكىزدىك. جەتى-سەگىز جىل بۇرىن دەپوزيتتەردىڭ 70%-ى دوللاردا بولاتىن, قازىر تەك 22%-ى. ءبىزدىڭ بارلىق ماركەتپلەيستەرىمىز, جارنامالارىمىز, باعا بەلگىلەرىمىز – تەڭگەمەن… … ەندەشە بارلىق دۇكەندەر كوشەگە وزدەرىنىڭ باعا تاقتايشالارىن ءىلسىن: ءسۇت – 450, نان – 150, كارتوپ – 300. ويتكەنى بۇل دا كۇندەلىكتى تۇتىناتىن تاۋارلار, مەن دە 300 تەڭگەگە كارتوپتى قايدان ساتىپ الۋعا بولاتىنىن, قايدان 350 نەمەسە 280 تەڭگەگە ساتىپ الۋعا بولاتىنىن بىلگىم كەلەدى. بىراق ەشكىم مۇنى ىستەمەيدى. 90-جىلدارداعى اناحرونيزم تەك ايىرباستاۋ پۋنكتتەرىنىڭ تاقتالارىندا ساقتالىپ قالدى. قازىرگى قوعام مەن ەكونوميكا دەڭگەيىنە سايكەس كەلەتىن ۋاقىت كەلدى», – دەپ ءتۇسىندىردى تيمۋر سۇلەيمەنوۆ.
ول سونداي-اق وۆاليۋتا باعامى بويىنشا الىپساتارلىق تاۋەكەلدەرى تۋرالى ماسەلەنى ءتۇسىندىردى.
«قازىر ەشكىم كولىكپەن نەمەسە اۆتوبۋسپەن ءجۇرىپ, تاقتايشالاردى ىزدەمەيدى. بارلىعى بانك قوسىمشالارىن, kurs.kz سايتتارىن اشادى. سوندىقتان بىزگە شەتەل ۆاليۋتاسىنىڭ باعا بەلگىلەرى قاجەت ەمەس», – دەدى ول.
