جاڭالىقتار
ۇلتتىق گوسپيتال سارا نازارباەۆانىڭ سىرقاتىنا قاتىستى پىكىر ءبىلدىردى
فوتو: elbasy.kz
ەل پرەزيدەنتىنىڭ ءىس باسقارماسى مەديتسينالىق ورتالىعىنىڭ ۇلتتىق گوسپيتالى قازاقستاننىڭ بۇرىنعى ءبىرىنشى حانىمى سارا نازارباەۆانىڭ سىرقاتىنا قاتىستى پىكىر ءبىلدىردى, دەپ جازدى qandastar.kz
بۇل تۋرالى Stan.kz اقپارات اگەنتتىگى Bes.media سايتىنا سىلتەمە جاساپ حابارلايدى.
ۇلتتىق گوسپيتال سارا نازارباەۆانىڭ اۋرۋحانادا ەمدەلىپ جاتقانىن راستادى.
«بارلىق مەديتسينالىق پروتسەدۋرالار بەكىتىلگەن مەديتسينالىق كومەك ستاندارتتارىنا سايكەس جانە بىلىكتى مامانداردىڭ باقىلاۋىمەن جۇزەگە اسىرىلادى. اۋرۋحانا پاتسيەنتتىڭ دياگنوزىنا, دەنساۋلىق جاعدايىنا, ەمدەۋ ادىستەرىنە جانە ناتيجەلەرىنە قاتىستى باسقا اقپاراتتى, مەديتسينالىق قۇپيانى نەگىزگە الا وتىرىپ, جاريا ەتپەيدى. اقپاراتتى جاسىرۋ تۋرالى شەشىم ناۋقاستىڭ جەكە ومىرىنە زاڭدى قۇقىقتارىن قامتاماسىز ەتۋ, ونىڭ جەكە ءومىرىن قۇرمەتتەۋ جانە ەمدەۋ پروتسەسىنە ىقتيمال ارالاسۋدان قورعاۋ ماقساتىندا قابىلداندى», – دەلىنگەن حابارلامادا.
ايتا كەتەيىك, بۇعان دەيىن سارا نازارباەۆانىڭ ۇلتتىق گوسپيتالدە اۋىر حالدە جاتقانىحابارلانعان ەدى.
