Jańalyqtar

Ulttyq ǵylym akademııasy taratylmaq

Foto: Turkystan.kz

27 naýryzda Almaty qalasynda 2003 jyly qoǵamdyq uıym retinde qurylǵan «QR Ulttyq ǵylym akademııasy» respýblıkalyq qoǵamdyq birlestiginiń jalpy jınalysy ótti, dep jazdy qandastar.kz

Jıyn barysynda biraýyzdan QR UǴA RQB akademıkterin QR Prezıdent janyndaǵy QR UǴA (Joǵary ǵylymı uıym) quramyna transformaııalaý «QR UǴA» respýblıkalyq qoǵamdyq birlestigin uıym Jarǵysynda kórsetilgen barlyq talaptardy saqtaı otyryp erikti túrde taratýǵa qatysty tarıhı sheshim qabyldandy. Jalpy jınalysqa qatysqan akademıkter eldiń ǵylymı áleýetin bir ortalyqqa shoǵyrlandyrýdy kózdegen azamattyq ustanymǵa qoldaý bildirdi.

Bul sheshim QR Prezıdentiniń janyndaǵy Ulttyq ǵylym akademııasynyń qyzmetine uqsas fýnkııalardyń qaıtalanýyn boldyrmaı, ony jańa formattaǵy biregeı ári ornyqty ǵylymı ortalyq retinde eki akademııa ǵalymdarynyń ǵylymı potenııalyn biriktirip nyǵaıtýǵa múmkindik beredi.

Eske sala keteıik, QR Prezıdentiniń janyndaǵy Ulttyq ǵylym akademııasy 2023 jyly qurylǵan bolatyn. Sol kezden bastap ǵylymdy turaqty qarjylandyrý qamtamasyz etilip, akademıkterdi ashyq saılaý isi jolǵa qoıyldy. Akademııa memlekettik mártebege ıe, qazirgi tańda ol ǵylymdy strategııalyq turǵyda damytýdy, basym baǵyttardy ǵylymı-taldamalyq turǵyda qoldaýdy, sondaı-aq halyqaralyq akademııalyq qaýymdastyqpen ózara is-qımyldy qamtamasyz etip keledi. 2024 jyly qabyldanǵan «Ǵylym jáne tehnologııalyq saıasat týraly» Zańǵa sáıkes, Akademııaǵa Joǵary ǵylymı uıym mártebesi berildi. Aldaǵy ýaqytta ǵylymı áleýetterin biriktirgen ǵylym akademııasy halyqaralyq deńgeıde iri ǵylymı jańalyqtarǵa qol jetkizýge múmkindik aldy, 2026 jyly 1946 jyldan bastaý alatyn Qazaqstannyń ulttyq akademııasynyń 80 jyldyq mereıtoıy kútilýde

Buǵan deıin Ulttyq ǵylym jáne tehnologııalar keńesiniń otyrysynda Memleket basshysy atap ótkendeı, «ǵylymy myqty eldiń memleketi de qýatty bolady. Ǵylymsyz el – qurdymǵa ketedi. Al ǵylymy ozyq el kez kelgen daǵdarysty eńsere alady».

Salalyq mınıstrlik qurylǵan sátten bastap Memleket basshysy ǵylymnyń ekonomıkaǵa yqpalyn kúsheıtýdi, ony ınnovaııalarmen tyǵyz baılanystyrýdy, sondaı-aq naqty is tyndyrýǵa baǵyttalǵan ǵylymı saıasatty jolǵa qoıýdy tapsyrǵan bolatyn. 2023 jyly Joǵary bilim men ǵylymdy damytýdyń 2023–2029 jyldarǵa arnalǵan tujyrymdamasy jáne «Ǵylym jáne tehnologııalyq saıasat týraly» jańa Zań qabyldandy. Sonyń arqasynda jas ǵalymdardy qoldaýǵa, ýnıversıtettik ǵylymdy damytýǵa, ǵylymı jańalyqtardy kommerııalandyrýǵa jáne óńirlerdegi ǵylymı ınfraqurylymdy nyǵaıtýǵa aıryqsha kóńil bólinýde.

Sondyqtan qoǵamdyq birlestiktiń Jalpy jınalysynda qabyldanǵan búgingi sheshim – ǵylymı sabaqtastyqty saqtaý, ǵylymı qaýymdastyqtyń aýyzbirligin arttyrý, ǵylym men óndiris arasyndaǵy baılanysty kúsheıtý jolyndaǵy mańyzdy qadam.

Ilmekter

Osy aıdarda

Dobavıt kommentarıı

Close