ۇلتتىق ينجەنەرلىك اكادەميانىڭ فيليالى اشىلدى

فوتو: gov.kz

قاراعاندى يندۋستريالىق ۋنيۆەرسيتەتىنىڭ بازاسىندا «ينجەنەرلىك ەڭبەكتىڭ بەدەلىن ارتتىرۋداعى عىلىمنىڭ ءرولى» تاقىرىبىندا رەسپۋبليكالىق عىلىمي-پراكتيكالىق كونفەرەنتسيا ءوتتى,  دەپ حابارلايدى qandastar.kz

قر ۇلتتىق ينجەنەرلىك اكادەمياسىنىڭ قولداۋىمەن ۇيىمداستىرىلعان بۇل ءىس-شارا ينجەنەر ماماندىقتارىنىڭ مارتەبەسىن ارتتىرۋداعى عىلىمنىڭ ماڭىزدىلىعىنا, عىلىم, بيزنەس جانە ءبىلىم بەرۋ اراسىنداعى ىنتىماقتاستىققا, سونداي-اق جاستاردىڭ ينجەنەرلىك ماماندىقتارعا دەگەن قىزىعۋشىلىعىن ارتتىرۋعا ارنالدى.

قاراعاندى يندۋستريالىق ۋنيۆەرسيتەتىنىڭ باسقارما توراعاسى – رەكتورى باحىت جاۋتىكوۆ:

«ءبىزدىڭ ۋنيۆەرسيتەتىمىز ءبىلىم بەرۋمەن قاتار عىلىمي قىزمەتپەن دە بەلسەندى اينالىسىپ, عىلىمدى ناسيحاتتاۋعا زور ۇلەس قوسىپ كەلەدى. قازاقستاندا 35 جىلدان بەرى ۇلتتىق ينجەنەرلىك اكادەميا تابىستى جۇمىس ىستەپ كەلەدى. ونىڭ پرەزيدەنتى – بەلگىلى مەملەكەت جانە قوعام قايراتكەرى باقىتجان جۇماعۇلوۆ بۇگىن بىزگە قۇرمەتتى قوناق رەتىندە كەلىپ وتىر. سونداي-اق ەلىمىزدىڭ تۇكپىر-تۇكپىرىنەن دەلەگاتسيا مۇشەلەرى كەلدى. ولاردىڭ قاتارىندا جاس عالىمدار, ءوندىرىس ورىندارىنىڭ وكىلدەرى بار. ارينە, بۇل جەردە بىزگە جاقىن Qarmet, QazTehna, ىڭكار-1 جانە باسقا دا كاسىپورىنداردىڭ وكىلدەرى دە بار», – دەدى.

كونفەرەنتسيا اياسىندا قاتىسۋشىلار Qarmet زاۋىتىنا ەكسكۋرسيا جاساپ, شيكىزاتتى وڭدەۋدەن باستاپ, دايىن ءونىم شىعارۋ پروتسەسىنە دەيىنگى تەحنولوگيالىق ۇدەرىستەرمەن تەرەڭىرەك تانىستى. زاۋىتقا ساپار بارىسىندا كونفەرەنتسيا قاتىسۋشىلارى مەتاللۋرگيا سالاسىنىڭ دامۋ پەرسپەكتيۆالارىن, سونداي-اق عىلىم مەن ءوندىرىستىڭ ءوزارا ءىس-قيمىلىن تالقىلادى. ۋنيۆەرسيتەتتە سونداي-اق عىلىمي جوبالار كورمەسى ۇيىمداستىرىلدى. قاتىسۋشىلار ينجەنەريانىڭ ءتۇرلى اسپەكتىلەرىنە ارنالعان عىلىمي باياندامالار مەن زەرتتەۋلەرىن ۇسىندى. ولار عىلىم مەن تەحنولوگيانىڭ قازىرگى جەتىستىكتەرى مەن دامۋ كەلەشەگىن تالقىلادى.

قر ۇلتتىق ينجەنەرلىك اكادەمياسىنىڭ پرەزيدەنتى باقىتجان جۇماعۇلوۆ سەكتسيالاردىڭ جۇمىسىنا جوعارى باعا بەردى. ونىڭ ايتۋىنشا, سەكتسيا وتىرىستارى جوعارى دەڭگەيدە ۇيىمداستىرىلىپ, مازمۇندى باياندامالار ۇسىنىلدى. سونىمەن قاتار ول كورمەنى ارالاپ كورىپ, عىلىمي جەتىستىكتەرمەن تانىستى.

«عىلىم تەمىرتاۋعا كەلدى. بۇل – تەك سيمۆولدىق قادام ەمەس, ناقتى ىستەردىڭ باستاماسى. ءبىز وسى ازىرلەمەلەردىڭ پراكتيكادا قولدانىلۋىنا بار كۇشىمىزدى سالامىز», – دەدى باقىتجان تۇرسىن ۇلى.

بۇل كۇنى قاراعاندى يندۋستريالىق ۋنيۆەرسيتەتىندە قر ۇلتتىق ينجەنەرلىك اكادەمياسى فيليالىنىڭ اشىلۋى ماڭىزدى وقيعا بولدى. بۇل – قازاقستاندا عىلىمي-ينجەنەرلىك قىزمەتتى ۇيلەستىرىپ, دامىتىپ وتىرعان بەدەلدى ءارى ءىرى بىرلەستىك. قاريۋ-دەگى اكادەميا فيليالى ۋنيۆەرسيتەتتىڭ عىلىمي ناتيجەلەرىن تاجىريبەگە ەنگىزۋ, ءوندىرىس جانە بيزنەسپەن ءتيىمدى ينتەگراتسيا, نارىقتىڭ كەلەشەكتەگى تەحنولوگيالىق تالاپتارىن قاناعاتتاندىرۋ باعىتىندا مۇلدە جاڭا دەڭگەيگە كوتەرىلۋىن قامتاماسىز ەتەدى.

پلەنارلىق وتىرىس سوڭىندا عىلىمي قىزمەتتەگى جوعارى جەتىستىكتەرى ءۇشىن قاريۋ عالىمدارى, وقىتۋشىلارى مەن قىزمەتكەرلەرىن سالتاناتتى ماراپاتتاۋ ءراسىمى ءوتتى.