Ulttyq ınjenerlik akademııanyń fılıaly ashyldy

Foto: gov.kz

Qaraǵandy ındýstrııalyq ýnıversıtetiniń bazasynda «Injenerlik eńbektiń bedelin arttyrýdaǵy ǵylymnyń róli» taqyrybynda Respýblıkalyq ǵylymı-praktıkalyq konferenııa ótti,  dep habarlaıdy qandastar.kz

QR Ulttyq ınjenerlik akademııasynyń qoldaýymen uıymdastyrylǵan bul is-shara ınjener mamandyqtarynyń mártebesin arttyrýdaǵy ǵylymnyń mańyzdylyǵyna, ǵylym, bıznes jáne bilim berý arasyndaǵy yntymaqtastyqqa, sondaı-aq jastardyń ınjenerlik mamandyqtarǵa degen qyzyǵýshylyǵyn arttyrýǵa arnaldy.

Qaraǵandy ındýstrııalyq ýnıversıtetiniń Basqarma tóraǵasy – rektory Bahyt Jáýtikov:

«Bizdiń ýnıversıtetimiz bilim berýmen qatar ǵylymı qyzmetpen de belsendi aınalysyp, ǵylymdy nasıhattaýǵa zor úles qosyp keledi. Qazaqstanda 35 jyldan beri Ulttyq ınjenerlik akademııa tabysty jumys istep keledi. Onyń prezıdenti – belgili memleket jáne qoǵam qaıratkeri Baqytjan Jumaǵulov búgin bizge qurmetti qonaq retinde kelip otyr. Sondaı-aq elimizdiń túkpir-túkpirinen delegaııa músheleri keldi. Olardyń qatarynda jas ǵalymdar, óndiris oryndarynyń ókilderi bar. Árıne, bul jerde bizge jaqyn Qarmet, QazTehna, Ińkár-1 jáne basqa da kásiporyndardyń ókilderi de bar», – dedi.

Konferenııa aıasynda qatysýshylar Qarmet zaýytyna ekskýrsııa jasap, shıkizatty óńdeýden bastap, daıyn ónim shyǵarý proesine deıingi tehnologııalyq úderistermen tereńirek tanysty. Zaýytqa sapar barysynda konferenııa qatysýshylary metallýrgııa salasynyń damý perspektıvalaryn, sondaı-aq ǵylym men óndiristiń ózara is-qımylyn talqylady. Ýnıversıtette sondaı-aq ǵylymı jobalar kórmesi uıymdastyryldy. Qatysýshylar ınjenerııanyń túrli aspektilerine arnalǵan ǵylymı baıandamalar men zertteýlerin usyndy. Olar ǵylym men tehnologııanyń qazirgi jetistikteri men damý keleshegin talqylady.

QR Ulttyq ınjenerlik akademııasynyń prezıdenti Baqytjan Jumaǵulov sekııalardyń jumysyna joǵary baǵa berdi. Onyń aıtýynsha, sekııa otyrystary joǵary deńgeıde uıymdastyrylyp, mazmundy baıandamalar usynyldy. Sonymen qatar ol kórmeni aralap kórip, ǵylymı jetistiktermen tanysty.

«Ǵylym Temirtaýǵa keldi. Bul – tek sımvoldyq qadam emes, naqty isterdiń bastamasy. Biz osy ázirlemelerdiń praktıkada qoldanylýyna bar kúshimizdi salamyz», – dedi Baqytjan Tursynuly.

Bul kúni Qaraǵandy ındýstrııalyq ýnıversıtetinde QR Ulttyq ınjenerlik akademııasy fılıalynyń ashylýy mańyzdy oqıǵa boldy. Bul – Qazaqstanda ǵylymı-ınjenerlik qyzmetti úılestirip, damytyp otyrǵan bedeldi ári iri birlestik. QarIÝ-degi akademııa fılıaly ýnıversıtettiń ǵylymı nátıjelerin tájirıbege engizý, óndiris jáne bıznespen tıimdi ıntegraııa, naryqtyń keleshektegi tehnologııalyq talaptaryn qanaǵattandyrý baǵytynda múlde jańa deńgeıge kóterilýin qamtamasyz etedi.

Plenarlyq otyrys sońynda ǵylymı qyzmettegi joǵary jetistikteri úshin QarIÝ ǵalymdary, oqytýshylary men qyzmetkerlerin saltanatty marapattaý rásimi ótti.