Jańalyqtar
Ulttyq qorda qansha aqsha jınaldy – qarjy mınıstri jaýap berdi
Qarjy mınıstri Mádı Tákıev ulttyq qorda jınalǵan qarajattyń kólemi jarııalady,-dep habarlaıdy Qandastar.kz
Mınıstrdiń aıtýynsha, byltyr qor qarjysyn basqarý jaǵynan oń ózgerister baıqaldy.
«Ulttyq qordyń aktıvteri ótken jylmen salystyrǵanda 13,4 proentke kóbeıip, 65,7 mlrd dollarǵa jetti», – dedi mınıstr senattyń búgingi otyrysynda.
Onyń sózine qaraǵanda, búginde kepildendirilgen transfert eki esege – 4 trıllıon teńgede 2,2-ge deıin azaıdy.
«Al «Ulttyq qor – balalarǵa» jobasy boıynsha bıyl bir balaǵa aýdarylatyn somanyń kólemi 100,5 dollar qurady. Osy ýaqytqa deıin 695,5 mln. dollar aýdaryldy. Sonyń ishinde 304 815 adam 2024 jylda 18 jasqa toldy jáne 30,6 mln dollar kóleminde aýdarylǵan tólemderdi paıdalana alady», – dep atap kórsetti Tákıev.
2024 jyly 1 qańtardaǵy jaǵdaı boıynsha baǵdarlamaǵa qatysýshylardyń jalpy sany 6 919 131 adam bolǵan.
