«Ulttyq qundylyq – ulttyń qazynasy» jobasy iske asady

Mańǵystaýda  Ulttyq qundylyq – ulttyń qazynasy» jobasy iske asady. Joba aıasynda jastarǵa ulttyq qundylyqtardy nasıhattaýǵa baǵyttalǵan zııatkerlik, mádenı-sporttyq is-sharalar uıymdastyrylady, – dep habarlaıdy «Jeti jurt» QB baspasóz qyzmeti.

Jobany «Jeti jurt» qoǵamdyq birlestigi Mańǵystaý oblystyq jastar saıasaty máseleleri jónindegi basqarmasynyń tapsyrysymen «Azamattyq bastamalardy qoldaý ortalyǵynyń» qoldaýymen oryndaıdy.

Joba jetekshisi Gúlnaz Baımýrzaevanyń aıtýynsha, negizgi maqsat – jastar arasynda ulttyq oıyndardy uıymdastyrý tártibin júıelep, jastardyń bos ýaqytyn tıimdi ótkizý. Ulttyq biregeılikti saqtaý, aımaqtaǵy zııaly qaýym ókilderimen birge jastar arasynda keshendi aǵartýshylyq jumystardy uıymdastyrý.

– Jobaǵa Aqtaý, Jańaózen, Beıneý, Qaraqııa, Mańǵystaý, Munaıly, Túpqaraǵan mektepterindegi oqýshylar, stýdentter qatysa alady. Joba barysynda 9-10-11-synyp oqýshylary arasynda klassıkalyq jekeleı toǵyzqumalaqtan ashyq chempıonat birinshiligi jáne «Asyq Battle» ashyq chempıonaty ótedi. Aqtaý jáne Jańaózen qalalarynda dástúrli sadaq atýdan ashyq týrnır ótkiziledi,. Budan bólek ulttyq aspapty kópke nasıhattaý baǵytynda Aqtaý jáne Jańaózen qalalarynda 5 mádenı kesh uıymdastyrylady, – deıdi joba jetekshisi Gúlnaz Baımýrzaeva.

Sonymen qatar óńirdegi zııaly qaýym ókilderiniń qatysýmen alqaly keńes otyrysyn ótkizý josparlanyp otyr. Atalǵan joba qarasha aıyna deıin jalǵasady.