ۇلتتىق قۇندىلىقتار ۇلىقتالدى

ناۋرىزدى تويلاۋدىڭ ونكۇندىگى اياسىندا ۇمىت قالعان ادەت-عۇرىپتار ۇلىقتالدى. ۇلتتىق قۇندىلىقتار مۋزىكالىق-تەاترلاندىرىلعان قويىلىم ارقىلى ەرەكشە فورماتتا ۇسىنىلدى. قالاداعى بارلىق تەاتر ارتىستەرى جۇمىلىپ, «تىلەۋ كوجە», «ءسۇيىنشى سۇراۋ», «بالاعا ات قويۋ», «بەسىككە سالۋ», «تۇساۋكەسەر» سياقتى ءجون-جورالعى مەن ادەت-عۇرىپتاردىڭ تاريحى مەن ءمان-مازمۇنىنا ءۇڭىلدى. ۇيىمداستىرۋشىلار, قوعامنىڭ دامۋىنا بايلانىستى بۇگىنگە دەيىن جەتكەن اسىل مۇرانى قايتا جاڭعىرتۋدى ماقسات ەتتى.

گۇلشات جاحانقىزى, قالالىق ادەت عۇرىپ جانە سالت-ءداستۇر ورتالىعىنىڭ ءبولىم مەڭگەرۋشىسى: — قازىرگى تاڭدا ءبىزدىڭ رۋحاني جاڭعىرعانىمىز, وشكەنىمىزدى جاڭعىرتقانىمىز ول ءبىزدىڭ سوڭعى 20 جىلدا دەسەك تە بولادى  قىزدىڭ ءوز وتانىنان ۇزاتىلۋى, وعان قۇدا ءتۇسىپ ۇيىنەن الىپ كەتۋى ول ءبىزدىڭ شىن مانىندە 70 جىلدا جوعالتقان ءداستۇرىمىزدى جاڭعىرتقانىمىز بولىپ ەسەپتەلەدى.