Ulttyq qurama enshisinde – 25 medal, onyń 14-i – altyn

Foto: ashyq derekkóz

Qazaqstan ulttyq quramasy Dúnıejúzilik kóshpendiler oıyndarynyń ekinshi jarys kúnin 14 altyn, 3 kúmis, 8 qola medalmen aıaqtady dep habarlaıdy  qandastar.kz.

Qazaq kúresinen qatysqan 8 sportshynyń barlyǵy altyn medal aldy. Al jamby atýdan úsh oryndy da ulttyq qurama sportshylary ıelendi.

«Qazanat» ıppodromy mańyndaǵy etnoaýylda ótken Jamby atý sportynyń Azııa stılinen júldeli úsh oryndy da qazaqstandyq sportshylar jeńip aldy. Batyr Beksaýyt – altynǵa, Aıtbek Sarybaı kúmis júldege ıe bolsa, qola medaldi Eralhan Aıkóz enshiledi.

Qazaqstandyq sportshylar aýdaryspaqtan úsh salmaq dárejesinde de altyn medal aldy. 60 kelide Ermek Quralbaı, 70 kelide Almat Látipbek, 80 kelide Daryn О́tkelbaı jeńimpaz atandy.

«Arǵymaq» at-sport kesheninde ótken dástúrli sadaq atýdan áıelder arasynda Aıkórkem Batıhan qola júldege ıe boldy. Al erler arasynda qos birdeı qazaqstandyq fınalǵa shyǵyp, Qasymhan Qanat qola medal ıelense, Jánibek Qulmyrzaev altyn medal aldy.

Jaqsylyq Úshkempirov atyndaǵy Jekpe-jek saraıynda qazaq kúresinen erler men áıelder árqaısy tórt salmaq dárejesinde synǵa tústi. Áıelder arasynda 48 kelide Aıjan Jylqybaeva, 52 kelide Nazerke Azamatova, 56 kelide Raýza Nurmahambetova, 60 kelide Baqyt Qusaqbaeva altyn medal aldy. Al erler arasynda 55 kelide Bekjan Tólepov, 60 kelide Meıirjan Bereketov, 66 kelide Dıdar Tuqyshev, 74 kelide Jumajan Qojambekov altyn medalǵa ıe boldy.

«Alaý» muz aıdyny saraıynda kýrashtan, mas-restlıngten jáne asyq atýdan báseke ótti. Kýrashtan qazaqstandyq 6 sportshy júldege ıe boldy. 87 keli salmaqta Albına Bahıeva altyn júlde alsa, 79 keli salmaqta Ajar Salyqova men +100 kelide Marat Baıkamýrov kúmis júldeni enshiledi. 81 keli salmaqta Erzat Arǵynov, 81 keli salmaqta Bekádil Shaımerdenov pen 87 keli salmaqta Ulbolsyn Adılova qola júlde aldy.

Saha halqynyń ulttyq sporty mas-restlıngten erler arasynda 65 keli salmaqta Birimjan Asylmurat pen áıelder arasynda 55 keli salmaqta Tahmına Qojamberdıeva qolda júlde ıelendi.

«Qazanat» ıppodromynda ótip jatqan kókpardan irikteý kezeńinde Qazaqstan О́zbekstandy 16-0 esebimen jeńdi. Al kókbóriden ulttyq qurama sportshylary AQSh komandasymen kezdesip, 18-0 esebimen aıqyn basym tústi.

Asyq atý men toǵyzqumalaqtan da irikteý jarystary ótti.