جاڭالىقتار
ۇلتتىق سپورت قاۋىمداستىعىنىڭ پرەزيدەنتى جاڭادان سايلاندى
1 اقپان كۇنى – قازاقستان رەسپۋبليكاسى ۇلتتىق سپورت قاۋىمداستىعىنىڭ كەزەكتەن تىس جالپى وتىرىسى ءوتتى. وتىرىسقا قر تۋريزم جانە سپورت ءمينيسترىنىڭ ورىنباسارى سەرىك جاراسباەۆ, سونداي-اق, ەلىمىزدىڭ ۇلتتىق سپورت فەدەراتسيالارىنىڭ پرەزيدەنتتەرى مەن وكىلدەرى قاتىستى.
«جيىندا ۇلتتىق سپورت قاۋىمداستىعىنىڭ پرەزيدەنتى قىزمەتىن اتقارعان يسلامبەك سالجانوۆ سوڭعى ەكى جىلداعى اتقارىلعان جۇمىسى جايىندا كەڭىنەن ەسەپ بەرىپ, قورىتىندىلادى. قاۋىمداستىق قۇرىلتايشىلارى داۋىس بەرۋ ارقىلى جاڭا جارعى قابىلداپ, ناتيجەسىندە ەركەبۇلان سايدوللا ۇلى يلياسوۆ ءبىراۋىزدان قازاقستان رەسپۋبليكاسى ۇلتتىق سپورت قاۋىمداستىعىنىڭ پرەزيدەنتى بولىپ سايلاندى», دەلىنگەن قاۋىمداستىق حابارلاماسىندا.
جاڭادان سايلانعان پرەزيدەنت ەركەبۇلان سايدوللا ۇلى سەنىم بىلدىرگەن بارشا قر تۋريزم جانە سپورت مينيسترلىگىنە, قاۋىمداستىق قاتارىنا كىرەتىن ۇلتتىق سپورت وكىلدەرىنە العىس ايتىپ, 2025 جىلعا قويىلعان جوسپارىمەن ءبولىستى.
بۇعان دەيىن فۋتبولدان ۇلتتىق قۇرامانىڭ باس باپكەرى 44 جاستاعى ءالي اليەۆ بولعانىن جازعانبىز.
