Jańalyqtar
Ulttyq sport qaýymdastyǵynyń prezıdenti jańadan saılandy
1 aqpan kúni – Qazaqstan Respýblıkasy Ulttyq sport qaýymdastyǵynyń kezekten tys jalpy otyrysy ótti. Otyrysqa QR Týrızm jáne sport mınıstriniń orynbasary Serik Jarasbaev, sondaı-aq, elimizdiń ulttyq sport federaııalarynyń prezıdentteri men ókilderi qatysty.
«Jıynda ulttyq sport qaýymdastyǵynyń prezıdenti qyzmetin atqarǵan Islambek Saljanov sońǵy eki jyldaǵy atqarylǵan jumysy jaıynda keńinen esep berip, qorytyndylady. Qaýymdastyq quryltaıshylary daýys berý arqyly jańa jarǵy qabyldap, nátıjesinde Erkebulan Saıdollauly Ilıasov biraýyzdan Qazaqstan Respýblıkasy Ulttyq sport qaýymdastyǵynyń prezıdenti bolyp saılandy», delingen qaýymdastyq habarlamasynda.
Jańadan saılanǵan prezıdent Erkebulan Saıdollauly senim bildirgen barsha QR Týrızm jáne sport mınıstrligine, qaýymdastyq qataryna kiretin ulttyq sport ókilderine alǵys aıtyp, 2025 jylǵa qoıylǵan josparymen bólisti.
Buǵan deıin fýtboldan ulttyq quramanyń bas bapkeri 44 jastaǵy Álı Álıev bolǵanyn jazǵanbyz.
