ۇلتتىق ستاتيستيكا بيۋروسى ەڭبەكاقى از ءوڭىردى اتادى

فوتو: اشىق دەرەككوز

ۇلتتىق ستاتيستيكا بيۋروسىنىڭ مالىمەتىنشە, تۇركىستان وبلىسىندا تۇرعىندار سانىنىڭ 8%-دان استامىنىڭ ەڭبەكاقىسى كۇنكورىس دەڭگەيىنەن دە تومەن. ەلىمىزدە ايلىعى كۇنكورىسىنە جەتپەيتىندەردىڭ كوبى تۇركىستان, جەتىسۋ مەن اباي وبلىستارىندا تۇرادى, دەپ جازدى qandastar.kz

ۇلتتىق ستاتيستيكا بيۋروسىنىڭ مالىمەتىنشە, تۇركىستان وبلىسىندا تۇرعىندار سانىنىڭ 8%-دان استامىنىڭ ەڭبەكاقىسى كۇنكورىس دەڭگەيىنەن دە تومەن. اباي, جەتىسۋ, ماڭعىستاۋ وبلىستارىندا حالىقتىڭ 7%-دان استامى از جالاقى الادى.

ال اتىراۋ مەن قاراعاندى وبلىستارىندا جانە استانا قالاسىندا جاعداي سالىستىرمالى تۇردە جاقسى. اتالعان ايماقتار مەن ەلوردادا ەلدىڭ تەك 3%-ى ەڭ تومەنگى كۇنكورىس دەڭگەيىنەن از ايلىقپەن ءومىر ءسۇرىپ وتىر. بۇل – سوڭعى جارتى جىلدىڭ ستاتيستيكاسى.

ەكونوميست بەكنۇر قيسىقوۆ حالىقتىڭ تۇرمىستىق ءال-اۋقاتىن ارتتىرۋ ءۇشىن شاعىن كاسىپكەرلىككە قولداۋ كەرەك دەپ وتىر.

“بىرىنشىدەن, وڭىرلەردە ءوندىرىس ورىندارىن كوپ اشۋ كەرەك. ەكىنشىدەن شاعىن كاسىپكەرلىكتى ايماقتاردا, اۋىلداردا دامىتۋ كەرەك. قازىر مىسالى استانا مەن الماتى وسىنىڭ ارقاسىندا دامىپ جاتىر. شاعىن كاسىپكەرلەردىڭ ارقاسىندا الەۋمەتتىك احۋال جاقسارادى. ءار وتباسىنىڭ جاعداي جاقسارادى”, – دەدى ەكونوميست بەكنۇر قيسىقوۆ.