Ulttyq statıstıka bıýrosy eńbekaqy az óńirdi atady

Foto: ashyq derekkóz

Ulttyq statıstıka bıýrosynyń málimetinshe, Túrkistan oblysynda turǵyndar sanynyń 8%-dan astamynyń eńbekaqysy kúnkóris deńgeıinen de tómen. Elimizde aılyǵy kúnkórisine jetpeıtinderdiń kóbi Túrkistan, Jetisý men Abaı oblystarynda turady, dep jazdy qandastar.kz

Ulttyq statıstıka bıýrosynyń málimetinshe, Túrkistan oblysynda turǵyndar sanynyń 8%-dan astamynyń eńbekaqysy kúnkóris deńgeıinen de tómen. Abaı, Jetisý, Mańǵystaý oblystarynda halyqtyń 7%-dan astamy az jalaqy alady.

Al Atyraý men Qaraǵandy oblystarynda jáne Astana qalasynda jaǵdaı salystyrmaly túrde jaqsy. Atalǵan aımaqtar men elordada eldiń tek 3%-y eń tómengi kúnkóris deńgeıinen az aılyqpen ómir súrip otyr. Bul – sońǵy jarty jyldyń statıstıkasy.

Ekonomıst Beknur Qısyqov halyqtyń turmystyq ál-aýqatyn arttyrý úshin shaǵyn kásipkerlikke qoldaý kerek dep otyr.

“Birinshiden, óńirlerde óndiris oryndaryn kóp ashý kerek. Ekinshiden shaǵyn kásipkerlikti aımaqtarda, aýyldarda damytý kerek. Qazir mysaly Astana men Almaty osynyń arqasynda damyp jatyr. Shaǵyn kásipkerlerdiń arqasynda áleýmettik ahýal jaqsarady. Ár otbasynyń jaǵdaı jaqsarady”, – dedi ekonomıst Beknur Qısyqov.