«ۇلتىم, جۇرتىم دەپ جۇرگەندەر…»: مۇحتار قۇل-مۇحاممەد ارابتارمەن قۇدا بولعانى راس پا

مەملەكەت قايراتكەرى مۇحتار قۇل-مۇحاممەد اعامىز جاقىندا ارابتارمەن قۇدا بولدى. بۇل تۋرالى جۋرناليست دياس نۇراقىننىڭ facebook پاراقشاسىندا جازدى, دەپ حابارلايدى Qandastar.kz اقپارات پورتالى.

«تويدىڭ تاقىرىبىنا ءتۇسىپ, مايدالانىپ كەتىپسىڭ دياس» دەپ سوگە كورمەڭىزدەر. مىنا جاڭالىقتى جازباسىما بولماي تۇر.

قازاقتىڭ قىزدارى وزگە ۇلت وكىلدەرىنە كۇيەۋگە تيمەسىن دەپ داۋرىعامىز دا جاتامىز. بىراق ونى ۇلتىم, جۇرتىم دەپ جۇرگەن يگى جاقسىلار پىسقىرمايتىن دا سياقتى.

ماسەلەن, مەملەكەت قايراتكەرى مۇحتار قۇل-مۇحاممەد اعامىز جاقىندا ارابتارمەن قۇدا بولدى. ديدار دەگەن قىزىن ءالي دەگەن شەتەلدىككە ۇزاتىپتى. توي ءبىر اپتا بۇرىن شىمبۇلاقتاعى Chalet دەگەن قىمبات رەستوراندا وتكەن. كوپ ەشكىم جوق, ەڭ جاقىن دەگەن 40-50 شاقتى ادامنىڭ باسىن قوسىپ تاۋدا تويلاپتى. بۇل اقپاراتتى سول تويدا بولعان وقىرماندارىم جىبەردى. بىراق دەرەككوزدەرىم ديداردىڭ دۋباي, بىرىككەن اراب امىرلىكتەرى, كاتار نە مىسىرعا كەلىن بولعانىن ناقتى ايتا المادى. تاك چتو ساكەن مايعازيەۆ ۇلىنىڭ تويىنا مىڭ ادام شاقىرادى ەكەن, تويدىڭ ترانسلياتسياسىن ساتىپ الىپ كورۋگە بولادى دەگەن اقپاراتقا قۋانۋ كەرەك سياقتى.

بىرەۋدىڭ جەكە ومىرىنە ارالاسىپ, تابالاۋدان اۋلاقپىن. بىراق ۇلتجاندى ازاماتتاردىڭ ۇرپاعى شەتەلگە تۇرمىسقا شىعىپ جاتقاندا, باسقالار تۋرالى ءسوز قوزعاۋدىڭ ءوزى ارتىق. قىز بەن تۇزدىڭ جۇرمەيتىن جەرى جوق دەيدى قازاق. ءوزىم دە ءۇش قىز تاربيەلەپ وتىرعاندىقتان بىردەڭە دەۋگە قورقادى ەكەنسىڭ, — دەپ جازدى جۋرناليست.