ۇلىبريتانيا ۋكراينا ءۇشىن رەسەيگە قىسىمدى كۇشەيتۋگە شاقىردى

ۇلىبريتانيانىڭ قورعانىس ءمينيسترى دجون حيلي ۆلاديمير ءپۋتيندى رەسەيگە قارسى قوسىمشا سانكتسيالار ەنگىزۋ ارقىلى كەلىسسوز ۇستەلىنە وتىرۋعا ماجبۇرلەۋ كەرەك دەپ سانايدى. بۇل تۋرالى Qandastar.kz اقپاراتتىق پورتالى حابارلايدى.

بۇل تۋرالى دجون حيلي 15 مامىر كۇنى بەرليندە گەرمانيانىڭ قورعانىس ءمينيسترى بوريس پيستوريۋسپەن بىرلەسكەن ءباسپاسوز ءماسليحاتىندا مالىمدەدى.

ء“بىز ارەكەت ەتۋىمىز كەرەك, ءپۋتيندى كەلىسسوزدەرگە ءماجبۇر ەتۋ ءۇشىن وعان قىسىم جاساۋ كەرەك”, – دەدى دجون حيلي.

ول رەسەي مەن ۋكراينا دەلەگاتسيالارىنىڭ تۇركيادا كەزدەسەتىنى تۋرالى اقپارات تاراعان سوڭ بۇكىل الەمنىڭ نازارى ىستامبۇلعا اۋعانىن اتاپ ءوتتى.

“بۇل كۇنى پۋتين اشكەرە بولادى. پۋتين بەيبىتشىلىكتى قالايتىنىن ايتادى, بىراق ول اتىستى توقتاتۋدان باس تارتتى. ول كەلىسسوز جۇرگىزگىسى كەلەتىنىن ايتادى, بىراق ءوزى ۇسىنعان كونفەرەنتسياعا كەلمەدى. ول سوعىستى ەرتەڭ-اق توقتاتا الادى», – دەدى مينيستر.

گەرمانيانىڭ قورعانىس ءمينيسترى بوريس پيستوريۋس تا ۋكرايناداعى سوعىستى توقتاتۋ ءپۋتيننىڭ قولىندا ەكەنىن ايتىپ, پىكىر ءبىلدىردى.

“ول ىستامبۇلعا بارىپ كەلىسسوزدەردى باستاپ, جۇرگىزۋ كەرەك ەدى. سونداي-اق اتىستى توقتاتۋ تۋرالى بۇيرىق بەرە الار ەدى. بىراق مۇنىڭ ءبىرى دە بولعان جوق. ول امەريكا پرەزيدەنتىن “تسيركتاعىداي الداۋعا تىرىسىپ جۇرگەندەي”. بىراق بۇل دونالد ترامپقا ۇناماۋى مۇمكىن”, – دەدى پيستوريۋس.