« ۇلىمدى اڭدىپ, ارتىنان قالمادى»: ءشارىپ سەرىكتىڭ اناسى ۇلىنا اراشا ءتۇستى

فوتو:Stan.kz

كينو جۇلدىزىنىڭ اناسى ادۆوكات گۇلنار مۇراتقىزى جەكە پاراقشاسىندا ۇلىنىڭ كىناسىز ەكەنىن ايتتى. سوزىنشە, ءاليا بۋتاەۆا ۇلىن ارانداتپاق بولعان, دەپ جازدى qandastar.kz

“ول ءوزىنىڭ ارام پيعىلىن الدىن-الا جوسپارلادى. مەنىڭ ۇلىم ونىمەن ارا-قاتىناسىن الدەقاشان ۇزسە دە ۇلىمدى اڭدىدى, ارتىنان قالمادى, ءۇيىن كۇزەتىپ ءجۇردى. اقىرىندا 8 اقپان كۇنى سول جوسپارىن ىسكە اسىردى. ۇلىمنىڭ پاتەرىنە باسا-كوكتەپ كىرگەن. سول كۇنگى بەينەجازبانى دا تۇرعىن ءۇي كەشەنىنەن العان. نەگىزىنەن, ول ۇيدە تۇرمايدى. زاڭسىز قولىنا تۇسىرگەن”, – دەيدى ءشارىپ سەرىكتىڭ اناسى.

اكتەردىڭ اناسىنىڭ سوزىنشە, قوعامدى دۇرلىكتىرگەن اتىشۋلى بەينەجازبا ەكى اي بۇرىن بولعان.

“بەتىنە شاپالاق تيسە نەلىكتەن سول 8 اقپان كۇنى پوليتسيا شاقىرمادى. ەكپەرتيزا جاساتپادى, ارىزدانبادى?! نەگە 2 اي وتكەننەن كەيىن پوليتسيا بولىمىنە مەنىڭ ۇلىمدى قارالاپ ارىزدانادى? نەلىكتەن پوليتسيا بولىمىنە قاسىنداعىلار  “وسىلاي ايت” دەپ بالاما ۆيدەو جازۋعا ماجبۇرلەدى?” – دەيدى اناسى.

Stan.kz  حابارلاعانداي  , اناسى بلوگەردىڭ ەكى جىل بويى ۇلىنىڭ تابىسىنا كۇن كورگەنىن جايىپ سالدى.

“ول 2 جىل بويى ۇلىمدى پايدالاندى. ونىڭ ناقتى جۇمىسى جوق. شەتەلگە قانداي قاراجاتپەن بارىپ ادەمى كيىم كيىپ ءجۇر?! ول تانىمال بولعىسى كەلەتىنىن ءجيى ايتاتىن. ارمانىنا جەتتى, تانىمال بولدى, وقىرمان جيناپ الدى. ەل-جۇرتقا “جالعان ايتىپ” جالا جاۋىپ ۇلىمدى قارالادى. بارىدە ۇمىتىلادى. بىراق ءبىر اللا ۇمىتپايدى. ول جازاسىز قالمايدى”, – دەيدى گۇلنار مۇراتقىزى.

ەسكە سالايىق, اكتەر ءشارىپ سەرىك تۇرمىستىق زورلىق-زومبىلىق ءۇشىن ەمەس, بالاعاتتاعانى ءۇشىن سوتتالعان ەدى.