«Ulymdy ańdyp, artynan qalmady»: Shárip Seriktiń anasy ulyna arasha tústi

Foto:Stan.kz

Kıno juldyzynyń anasy advokat Gúlnar Muratqyzy jeke paraqshasynda ulynyń kinásiz ekenin aıtty. Sózinshe, Álııa Býtaeva ulyn arandatpaq bolǵan, dep jazdy qandastar.kz

“Ol óziniń aram pıǵylyn aldyn-ala josparlady. Meniń ulym onymen ara-qatynasyn áldeqashan úzse de ulymdy ańdydy, artynan qalmady, úıin kúzetip júrdi. Aqyrynda 8 aqpan kúni sol josparyn iske asyrdy. Ulymnyń páterine basa-kóktep kirgen. Sol kúngi beınejazbany da turǵyn úı kesheninen alǵan. Negizinen, ol úıde turmaıdy. Zańsyz qolyna túsirgen”, – deıdi Shárip Seriktiń anasy.

Akterdiń anasynyń sózinshe, qoǵamdy dúrliktirgen atyshýly beınejazba eki aı buryn bolǵan.

“Betine shapalaq tıse nelikten sol 8 aqpan kúni polıııa shaqyrmady. Ekpertıza jasatpady, aryzdanbady?! Nege 2 aı ótkennen keıin polıııa bólimine meniń ulymdy qaralap aryzdanady? NeliKten polıııa bólimine qasyndaǵylar  “osylaı aıt” dep balama vıdeo jazýǵa májbúrledi?” – deıdi anasy.

Stan.kz  habarlaǵandaı  , anasy blogerdiń eki jyl boıy ulynyń tabysyna kún kórgenin jaıyp saldy.

“Ol 2 jyl boıy ulymdy paıdalandy. Onyń naqty jumysy joq. Shetelge qandaı qarajatpen baryp ádemi kıim kıip júr?! Ol tanymal bolǵysy keletinin jıi aıtatyn. Armanyna jetti, tanymal boldy, oqyrman jınap aldy. El-jurtqa “jalǵan aıtyp” jala jaýyp ulymdy qaralady. Báride umytylady. Biraq bir Alla umytpaıdy. Ol jazasyz qalmaıdy”, – deıdi Gúlnar Muratqyzy.

Eske salaıyq, akter Shárip Serik turmystyq zorlyq-zombylyq úshin emes, balaǵattaǵany úshin sottalǵan edi.