ۇلىمەن جۇدىرىقتاسقان دانيار ەلەۋسىنوۆ ەلدى ءسۇيسىنتتى

وليمپيادا چەمپيونى دانيار ەلەۋسىنوۆ كىشى ۇلى مۇحاممەدپەن رينگتە جۇدىرىقتاسىپ جاتقان ءساتىنىڭ ۆيدەوسىن جاريالادى, دەپ جازادى turkystan.kz.

بوكسشى الەۋمەتتىك جەلىدە بولىسكەن بەينەجازبادا ۇلىنىڭ بوكس قولعابىن كيىپ, جۇدىرىعىن شەبەر سىلتەپ, اكەسىنىڭ باسىنان ءدال ۇرعانى كورىنەدى.

جەلى قولدانۋشىلارى ۆيدەونى جىلى قابىلداپ, پىكىر قالدىردى. ء«وزىڭ سياقتى چەمپيون بولادى!», «دانيك – جارايسىڭ!», «وت قوي!» – دەيدى ولار.

ەسكە سالا كەتەيىك, دانيار ەلەۋسينوۆ 2016 جىلى برازيليانىڭ ريو-دە-جانەيرو قالاسىندا وتكەن وليمپيادا ويىندارىندا التىن مەدال جەڭىپ العان. 2018 جىلى كاسىپقوي بوكستا دەبيۋت جاساپ, وسى كۇنگە دەيىن 12 جەكپە-جەك وتكىزىپ, بارىندە جەڭىسكە جەتكەن.