«Ulynyń denesin Ońtústik Koreıadan alyp ketýge kómektespegen»: Qazaqstandyq áıel sotta syrtqy ister mınıstrligin jeńip shyqty

Foto: wikipedia.org

Qazaqstan Respýblıkasynyń Koreıadaǵy elshiliginen kómek kútpeı-aq, ulyn elge jetkizý shyǵynyn óz betinshe tólegen qazaqstandyq áıel syrtqy ister mınıstrligin sotqa berdi. Bul týraly Stan.kz aqparat agenttigi habarlaıdy.

Astananyń mamandandyrylǵan aýdanaralyq ákimshilik soty Ońtústik Koreıada kóz jumǵan Qazaqstan azamatynyń máıitin jetkizý shyǵyndaryn syrtqy ister mınıstrligine jabýǵa máıýbúrleý týraly isti qarady. Bul týraly Astana aýdanaralyq mamandandyrylǵan sottyń sýdıasy Janar Dúısenova Facebook paraqshasynda habarlady.

Sýdıanyń aıtýynsha, qazaqstandyq áıel 23 jastaǵy ulynyń qaterli isigin emdetýge Ońtústik Koreıaǵa ketken. Alaıda jigit sol elde kóz jumǵan, anasy máıitti otanyna jetkizýge qarjylaı kómek surap, Qazaqstannyń Koreıadaǵy elshiligine habarlasqan.

Alaıda olardyń aqsha aýdarǵanyn kútpeı, áıel qaryz alyp, qaıyrymdylyq kómek arqyly barlyq shyǵyndy ózi kóteripti. Syrtqy ister mınıstrligi muny memlekettik kómekten bas tartý dep baǵalap, ákimshilik rásimdi toqtatqan.

Sol úshin áıel sotqa júgindi. Sebebi ol qaryzdaryn mınıstrliktiń qarjysymen jabamyn dep oılaǵan eken.

Qazaqstan zańnamasyna sáıkes, azamat shetelde kóz jumǵan jaǵdaıda konsýldyq onyń jerleýin qamtamasyz etýge nemese máıitti otanyna jetkizýdi uıymdastyrýǵa mindetti (QR Konsýldyq jarǵysynyń 84-baby).

«Sot qazaqstandyq dıplomattar marqumnyń jerleý nemese máıitin jiberý sharalaryn qoldanýǵa mindetti dep sanady. «Shetelde Qazaqstan Respýblıkasynyń múddesin qorǵaý» baǵdarlamasy azamattarǵa bagajdy jóneltý, 200 júkti rásimdeý, deneni balzamdaý jáne máıithanada saqtaý shyǵyndaryn tóleı otyryp, azamattarǵa materıaldyq kómek kórsetýi kerek, – dedi Dúısenova.

Áıeldiń jerleý rásimin ózi tólese de, memleket shetelde qıyn jaǵdaıǵa tap bolǵan azamattaryna materıaldyq kómek kórsetý mindetinen bosatylmaıdy.

Sotta konsýl áıelge ulynyń qaza bolǵany týraly kýálik berip, materıaldyq kómek kórsetý úshin qajetti sharalar jasalmaǵany atap ótildi. Syrtqy ister mınıstrligi ákimshilik rásimdi qaıta júrgizip, talapkerdiń paıdasyna sheshim qabyldaýǵa mindetti.

Sot sheshimi zańdy kúshine endi.