Ulysmedia.kz saıtynyń bas redaktory Samal Ibraevaǵa kıbershabýyl jasaldy

Foto: ınstagram

Ulysmedia.kz saıtynyń bas redaktory Samal Ibraevanyń jalǵan profıli Kyzdar.net saıtynda paıda boldy, dep habarlaıdy  qandastar.kz Orda.kz-ke silteme jasap.

Belgisiz adamdar Ulysmedia.kz saıtynyń bas redaktory Samal Ibraevaǵa qarsy kıbershabýyl uıymdastyrdy. Jýrnalıstiń aıtýynsha, onyń sýreti, aty-jóni men jeke telefon nómiri ıntım qyzmetin usynatyn saıttardyń birinde jalǵan anketa arqyly jarııalanǵan.

«Maǵan: «maqalany óshir, taqyrypty ózgert, sýretti alyp tasta. Áıtpese kórsetemiz» degen eskertýler birneshe ret jasaldy. Aqyry olar iske kóshti. Kyzdar.net saıtynda maǵan tıesili emes, jalǵan profıl paıda boldy. Qazir telefonymda tynym joq. Anaıy usynystar, tanystardyń qońyraýy men suraqtary tolastamaı tur. Bul meniń kásibı qyzmetime jasalǵan tikeleı shabýyl», — dedi jýrnalıst.

Onyń pikirinshe, bul shabýyl Ulysmedia.kz portalynyń redakııalyq ustanymyna, atap aıtqanda el ishindegi ótkir máselelerdi kóterýine baılanysty jasalǵan bolýy múmkin.

Quqyq qorǵaý organdaryna júgingennen keıin bes kún ótken soń ǵana kıbershabýyl resmı túrde ıfrlyq býllıng jáne kıberqylmys retinde tanylyp, qylmystyq is qozǵalǵan. Jýrnalıst osyndaı oqıǵany eki jyl buryn da bastan ótkergenin eske salyp, ol kezde tek prezıdent Qasym-Jomart Toqaevtyń aralasýynan keıin ǵana istiń ilgeri jyljyǵanyn aıtty.

«Bul joly da memleket basshysynyń nazar aýdaratynyna senemin. Jýrnalısterge qysym kórsetý men qaýip tóndirý — prezıdent ustanyp otyrǵan ashyq qoǵam men ádilettilik qaǵıdattaryna qaıshy», — dep málimdedi jýrnalıst.

Sondaı-aq ol Kyzdar.net saıtynyń qyzmetine de zańdy baǵa berýdi surap otyr. Onyń pikirinshe, saıtta feık-anketa jeke ómirge qol suǵý, ar-namysty qorlaý jáne iskerlik bedelge nuqsan keltirý áreketteri kóp.

«Bul — tek meniń emes, elimizdegi kez kelgen áıeldiń basyna túsýi múmkin qaýip. Sondyqtan ıfrlyq zorlyqqa qarsy kúres – memlekettik deńgeıde qolǵa alynýy tıis» — dep málimdedi jýrnalıst.

Qazirgi tańda polıııa jalǵan anketa jasaǵandardy anyqtaý jáne zańsyz kontentti joıý boıynsha tergeý júrgizip jatyr. Al Ulysmedia.kz redakııasy qysym men bopsaǵa qaramastan, óz jumysyn jalǵastyra beretinin habarlady.