ۇلىتاۋ وبلىسىنداعى ەرەۋىل: “قازاقمىس” جۇمىسشىلارى ورتاق كەلىسىمگە كەلدى

فوتو: كازتاگ

“قازاقمىس” كورپوراتسياسىندا بىرنەشە كۇنگە سوزىلعان جۇمىسشىلار نارازىلىعى باسشىلىقپەن جۇرگىزىلگەن كەلىسسوز ناتيجەسىندە توقتاپ, ەكى تاراپ ورتاق مامىلەگە كەلدى, دەپ حابارلايدى qandastar.kz

كومپانيانىڭ مالىمەتىنشە, 19 جەلتوقسان ساعات 20:00-دە ساياق جانە جايساڭ كەنىشتەرى مەن جەزقازعان مىس قورىتۋ زاۋىتىنىڭ جۇمىسى شتاتتىق رەجيمگە قايتا ورالعان.

“بۇعان دەيىن اتالعان كەنىشتەر مەن زاۋىت جۇمىسشىلارى ارىپتەستەرىن قولداۋ ماقساتىندا جۇمىستارىن توقتاتقان بولاتىن”, – دەپ مالىمدەدى “قازاقمىس” كورپوراتسياسى.

Dalanews.kz جازعانداي, ەكى كۇنگە سوزىلعان نارازىلىق ناتيجەسىندە جۇمىس بەرۋشى مەن جۇمىسشىلار ەڭبەك جاعدايىن جاقسارتۋ بويىنشا ءوزارا كەلىسىمگە قول جەتكىزدى.

ەسكە سالايىق, 17 جەلتوقساندا ۇلىتاۋوبلىسىندا»قازاقمىس كورپوراتسياسىنىڭ»(«جەزقازعانتۇستىمەت») فيليالى – «وڭتۇستىك قازاقستان» كەنىشىنىڭ № 65 شاحتاسىندا ەرەۋىل بولدى. 250-دەن استامكەنشى جەراستىنا تۇسۋدەن باس تارتتى. ولار جالاقىلارىن كوتەرۋ جانە ەڭبەك جاعدايلارىن جاقسارتۋدى تالاپ ەتتى. ال 18 جەلتوقساندا كومپانيانىڭ ءباسپاسوز قىزمەتى اتالعان جايتقا قاتىستى تۇسىنىكتەمە بەردى.

كومپانيا ءباسپاسوز قىزمەتىنىڭ حابارلاۋىنشا, «2024 جىلعى 17 جەلتوقساندا «قازاقمىس كورپوراتسياسى» جشس «جەزقازعانتۇستىمەت» ءوب قۇرامىنا كىرەتىن وڭتۇستىك جەزقازعان كەنىشى مەن جىلاندى كەنىشىنىڭ قىزمەتكەرلەرى ۇجىمدىق تالاپتار بىلدىرگەن. وڭتۇستىك جەزقازعان كەنىشىندە جۇمىسشىلار جالاقىنى ەكى ەسەگە ارتتىرۋ جانە ت. ب. ماسەلەلەرىن اتاپ ءوتتى. قىزمەتكەرلەرمەن «قازاقمىس كورپوراتسياسى» جشس باس ديرەكتورى جانە كاسىپوداق ۇيىمدارىنىڭ وكىلدەرى ءتۇسىندىرۋ جۇمىستارىن جۇرگىزدى. كەزدەسۋ بارىسىندا ولار «جەزقازعانتسۆەتمەت» ءوب-داعى ەڭ تومەنگى جالاقى 363 000 تەڭگەنى (مجمب ءۇي-جايلارىن جيناۋشى), مەديانالىق جالاقى 650 000 تەڭگەنى, ال ۇلىتاۋ وبلىسى بويىنشا مەديانالىق جالاقى 404 105 تەڭگەنى, ال جالپى قازاقستان بويىنشا ەكى ەسە از جانە 285 677 تەڭگەنى قۇرايتىنىن اتاپ ءوتتى».

«قازاقمىس كورپوراتسياسى» بۇعان دەيىن 2025 جىلعى قاڭتاردان باستاپ جالاقىنىڭ ءوسۋىن جاريالاعان بولاتىن. يندەكستەۋ 2024 جىلى ۇلتتىق ستاتيستيكا بيۋروسى رەسمي تۇردە بەلگىلەگەن ينفلياتسيا دەڭگەيىنە جۇرگىزىلەدى. جالاقىنى 8,5%-عا ارتتىرعان كەزدە كورپوراتسيا بويىنشا ورتاشا جالاقى 822 000 تەڭگەگە دەيىن (2024 جىلى — 730 431 تەڭگە), ال جەراستى جۇمىسشىلارى ءۇشىن — 1 303 000 تەڭگەگە دەيىن (2024 جىلى — 1 202 000 تەڭگە) وسەدى», دەلىنگەن كومپانيا حابارلاماسىندا.

«قازاقمىس كورپوراتسياسى» 2020 جىلدان باستاپ جىل سايىن جالاقىنى كوتەرىپ كەلەدى. وسى كەزەڭدە جالاقىنىڭ ورتاشا دەڭگەيى 151%-عا – 2020 جىلعى 326 196 تەڭگەدەن 2025 جىلعا ارنالعان اعىمداعى بولجامدارعا دەيىن كوتەرىلدى. بۇل 2,5 ەسەگە وسۋگە سايكەس كەلەدى.

كومپانيا جالاقىنىڭ ودان ءارى كۇرت ءوسۋى كومپانيا شاحتالارىنىڭ رەنتابەلدىلىگىنە قاۋىپ ءتوندىرۋى مۇمكىن ەكەنىن ناقتىلايدى. جالاقىنى كوتەرۋدەن باسقا, 2025 جىلدان باستاپ 2025-2029 جىلدارعا ارنالعان جاڭا ۇجىمدىق شارت كۇشىنە ەنەدى. شارت شەڭبەرىندە:

• ماتەريالدىق كومەك پەن وتەماقى مولشەرىن ۇلعايتۋ;
• دامۋ ەرەكشەلىكتەرى بار بالالاردىڭ اتا-انالارىنا قوسىمشا جەڭىلدىكتەر;
• بالالار دەمالىسى باعدارلامالارىن كەڭەيتۋ;
• بارلىق قىزمەتكەرلەردى ەرىكتى مەديتسينالىق ساقتاندىرۋمەن قامتۋ.

كومپانيا ءوز جۇمىسكەرلەرى ءۇشىن ەڭبەكتى جاقسارتۋدان باسقا, ساتباەۆ پەن جەزقازعان قالالارىنا قوماقتى ينۆەستيتسيالار جۇرگىزۋدە, وسىلايشا 2023-2024 جىلدار ارالىعىندا ءوڭىردىڭ 10-نان استام وبەكتىسىنە 30 ملرد تەڭگەدەن استام ينۆەستيتسيا سالىندى.