ۇلىتاۋدا «قىزىلوردا-جەزقازعان» جولىنىڭ قۇرىلىسى ءالى باستالماعان

«پروبلەمالى جدولداردىڭ ءبىرى – قىزىلوردا-جەزقازعان. پرەزيدەنت تە بىرنەشە رەت قاداپ ايتتى. الايدا ۇلىتاۋ وبلىسىندا قۇرىلىس جۇمىستارى ءالى باستالعان جوق. قانداي شارا قابىلداپ وتىرسىزدار?», – دەپ سۇرادى پرەمەر-مينيستر ولجاس بەكتەنوۆ.

ءوز جاۋابىندا سالا ءمينيسترى بىلتىر قىزىلوردا اۋماعىندا بۇل جۇمىس باستالعانىن ايتۋدا. 192 شاقىرىمنىڭ 140 شاقىرىمىندا بيىل قوزعالىس اشىلادى.

«ال ۇلىتاۋ وبلىسىندا 208 شاقىرىمدا جوبالىق قۇجاتتاما ەسكى بولدى. سوندىقتان جوبالىق قۇجاتتامانى باسىنان مەملەكەتتىك ساراپتامادان وتكىزىلىپ, وعان ازيالىق دامۋ بانكىنىڭ قارجىسى تارتىلدى جانە كونكۋرس راسىمدەرى اياقتالدى. قازىر جەڭىمپاز انىقتالعان. شىلدە ايىنىڭ سوڭىنا دەيىن بارشا جەڭىمپازدارمەن ءتيىستى كەلىسىمشارتتى بەكىتەمىز. تامىز ايىندا موبيليزاتسيا جۇمىستارى باستالادى. ياعن,ي قۇرىلىس جۇمىستارى قىركۇيەك ايىندا باستالادى», – دەپ جاۋاپ بەردى كولىك ءمينيسترى.

ايتا كەتەيىك, 2021 جىلى «قىزىلوردا-جەزقازعان» اۆتوجولىن جاڭعىرتۋ جونىندە ايتىلعان ەدى.