ۇلىتاۋدا سۋ تاسقىنىنان زارداپ شەككەن وتباسىلاردىڭ شىعىنى وتەلەدى

ۇلىتاۋ وبلىسىندا سۋ تاسقىنىنان زارداپ شەككەن وتباسىلاردىڭ شىعىنى تولىق وتەلەدى. ارنايى كوميسسيا كەلگەن زياننىڭ كولەمىن ەسەپتەي باستادى.

بۇدان بولەك ەرىكتىلەردىڭ ۇيىمداستىرۋىمەن دەمەۋشىلەر مەن قاراپايىم تۇرعىندار دا جىلۋ جيناپ جاتىر. 10 شاقتى ءۇيدى سۋ شايىپ كەتكەن جەزدى كەنتىنە پارلامەنت ءماجىلىسىنىڭ دەپۋتاتتارى بارىپ, جاعدايدى كوزبەن كوردى. بىرنەشە كۇن بويى جۇرتتى ابىگەرگە سالعان تاسقىننىڭ قازىر بەتى قايتقان. وزەن سۋى تومەندەپ, تۇرعىندار قالىپتى تىرلىگىنە كوشتى. ۇيلەرى تۇرۋعا جارامسىز بولعان وتباسىلارعا ۋاقىتشا باسپانا بەرىلدى.

گۇلدەن يجازينوۆا, جەزدى كەنتىنىڭ تۇرعىنى: — جاعدايىمىز وسى, كورىپ تۇرعانداي. سۋعا كەتتى بارلىعى. جوندەۋگە كەلمەيدى. ويتكەنى جوندەگەنمەن ءۇي سىروست بولىپ تۇرادى. تاماقتان كومەكتەسىپ جاتىر. ۋاقىتشا تۇرۋعا ءۇي بەرىلدى. امانجول ءالتاي قر پارلامەنتى ءماجىلىسىنىڭ دەپۋتاتى: — تۇرۋعا كەلمەيتىن جاڭادان سالۋدى قاجەت ەتەتىن ۇيلەر دە بار ەكەن. جاڭا كوزىمىزبەن كوردىك. كەيبىر ۇيلەردە سۋ دەڭگەيى 1 مەترگە دەيىن كوتەرىلگەن. ونىڭ بارلىعى ەندى مىنا توتەنشە جاعداي جاريالانعاننان كەيىن ارينە جاڭادان ءۇي سالۋ كەرەك شىعار دەپ ويلايمىن.