جاڭالىقتار
ۇلىتاۋدا ۇستالعان ادامدى تۇرمەدە ازاپتاعان ءۇش پوليتسەي سوتتالدى
ۇلىتاۋ وبلىسىندا جاڭاارقا اۋدانىنىڭ ءۇش پوليتسيا قىزمەتكەرىن قازىلار القاسى ازاپتاۋ بويىنشا كىنالى دەپ تانىدى, دەپ حابارلايدى Qandastar.kz اقپارات پورتالى.
2024 جىلعى 14 تامىزعا قاراعان ءتۇنى ولار اۋداندىق پوليتسيا ءبولىمىنىڭ اجەتحاناسىندا ۇستالعان ەر ادامدى ۇرىپ-سوققان. جابىرلەنۋشى ورتاشا دارەجەدەگى جاراقاتتار العان.
«پروكۋرورلار التى جىل باس بوستاندىعىنان ايىرۋدى سۇرادى. قازىلار القاسى ارقايسىسىنا بەس جىلدان جازا تاعايىندادى. سوتتالعاندارعا ءۇش جىل بويى مەملەكەتتىك قىزمەتتە جانە قۇقىق قورعاۋ ورگاندارىندا جۇمىس ىستەۋگە تىيىم سالىندى», — دەپ حابارلادى سوتتا.
جەڭىلدەتەتىن جاعداي رەتىندە ەكى سوتتالۋشىنىڭ كامەلەتكە تولماعان بالالارىنىڭ بارى ەسەپكە الىندى. ال اۋىرلاتاتىن جاعداي — انتتى بۇزۋ دەپ تانىلدى.
ايىپتالۋشىلار كىناسىن مويىنداماعان جانە اقتاۋدى تالاپ ەتكەن. الايدا كۋاگەرلەردىڭ ايعاقتارى, ساراپتاما قورىتىندىلارى مەن جينالعان دالەلدەر قازىلار القاسىن ولاردىڭ كىناسىنە كوز جەتكىزدى.
