Ulytaýda ustalǵan adamdy túrmede azaptaǵan úsh polıeı sottaldy

Ulytaý oblysynda Jańaarqa aýdanynyń úsh polıııa qyzmetkerin qazylar alqasy azaptaý boıynsha kináli dep tanydy, dep habarlaıdy Qandastar.kz aqparat portaly.

2024 jylǵy 14 tamyzǵa qaraǵan túni olar aýdandyq polıııa bóliminiń ájethanasynda ustalǵan er adamdy uryp-soqqan. Jábirlenýshi ortasha dárejedegi jaraqattar alǵan.

«Prokýrorlar alty jyl bas bostandyǵynan aıyrýdy surady. Qazylar alqasy árqaısysyna bes jyldan jaza taǵaıyndady. Sottalǵandarǵa úsh jyl boıy memlekettik qyzmette jáne quqyq qorǵaý organdarynda jumys isteýge tyıym salyndy», — dep habarlady sotta.

Jeńildetetin jaǵdaı retinde eki sottalýshynyń kámeletke tolmaǵan balalarynyń bary esepke alyndy. Al aýyrlatatyn jaǵdaı — antty buzý dep tanyldy.

Aıyptalýshylar kinásin moıyndamaǵan jáne aqtaýdy talap etken. Alaıda kýágerlerdiń aıǵaqtary, saraptama qorytyndylary men jınalǵan dálelder qazylar alqasyn olardyń kinásine kóz jetkizdi.