جاڭالىقتار
ۇلىتاۋداعى كەڭگىر سۋ قويماسى مەملەكەت مەنشىگىنە ءوتتى
فوتو: سۋ رەسۋرستارى جانە يرريگاتسيا مينيسترلىگى
بۇل تۋرالى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ايتتى, دەپ حابارلايدى Qandastar.kz. كەڭگىر – ۇلىتاۋ وبلىسىنداعى ەڭ ءىرى سۋ قويماسى. ونىڭ جالپى كولەمى 319 ملن تەكشە مەتر بولادى.
بۇگىنگى تاڭدا سۋ قويماسىن مەملەكەتكە قايتارۋ پروتسەسى اياقتالۋعا جاقىن. نىسان وسى جىلدىڭ سوڭىنا دەيىن سۋ رەسۋرستارى جانە يرريگاتسيا مينيسترلىگىنىڭ «قازسۋشار» رەسپۋبليكالىق كاسىپورنىنىڭ بالانسىنا كوشۋى ءتيىس.
«سۋ قويماسىن مەملەكەت مەنشىگىنە قايتارعاننان كەيىن ءبىز قوردالانعان ماسەلەلەردى شەشۋ ءۇشىن ەڭ الدىمەن كوپ فاكتورلى زەرتتەۋ جۇرگىزەمىز», – دەدى مينيستر.
