«ءۇمىت ۇزبەڭىزدەر!». ساياسات نۇربەك گرانتسىز قالعان تۇلەكتەرگە ۇندەۋ جاسادى

فوتو: qazaqtv.com

گرانت بولۋگە قاتىستى الەۋمەتتىك جەلىدە قوعام تاراپىنان ءتۇرلى پىكىرلەر جازىلۋدا. وسىعان وراي مينيستر ساياسات نۇربەك گرانت الۋدىڭ ءتۇرلى نۇسقالارى تۋرالى بايانداپ بەردى, دەپ حابارلايدى Skifnews.kz اقپارات پورتالى.

قۇرمەتتى بيىلعى تالاپكەرلەر! قادىرلى اتا-انالار! سوڭعى ۋاقىتتا ەلىمىزدە ورىن العان سۋ تاسقىنى بۇكىل ەلگە ورتاق سىناق بولدى. وسى جاعدايعا بايلانىستى, ءبىز جوعارى ءبىلىم الۋعا گرانتتاردىڭ از عانا بولىگىن زارداپ شەككەن ءوڭىر تۇلەكتەرىنە بولدىك. سانى كوپ تە ەمەس, 5112 گرانت. 20 مىڭنان استام تۇلەك سۋ باسقان وڭىردەن بىتىرسە, سونىڭ 10 مىڭنان استام تۇلەگى وزدەرىڭىزبەن بىردەي جالپى كونكۋرسپەن ءوتتى. ءبىز ونى ءادىل جانە اشىق تۇردە بولۋگە بار كۇش-جىگەرىمىزدى سالدىق.

كەشەگى اتا-انالار مەن بالالاردىڭ قۋانىش جاسىن كورىپ, ءبىز دە بىرگە قۋاندىق. بىراق, وكىنىشكە وراي, گرانت الا الماعان تۇلەكتەر مەن وتباسىلاردىڭ مۇڭىندا دا ءبىز بىرگەمىز. كوپتەگەن ادام مينيسترلىككە, ماعان حابارلاسىپ, جازىپ جاتىر, ال وسى ناتيجەنى سابىرمەن قابىلداعاندار دا بار ەكەن.

ايتايىن دەگەنىم, ءۇمىت ۇزبەڭىزدەر! گرانت الۋ مۇمكىندىكتەرى ءالى دە بار! بيىلعى كونكۋرسقا قاتىسۋشىلار سانى وتكەن جىلمەن سالىستىرعاندا 11 مىڭعا كوپ, سوندىقتان باسەكەلەستىك تە وتە جوعارى بولدى. سۋ تاسقىنىنان زارداپ شەككەن ايماقتار ءۇشىن كۆوتا قاراستىرىلعانىمەن, سول ايماقتاردىڭ تالاپكەرلەرى جالپى كونكۋرس بويىنشا گرانت ۇتىپ الدى. گرانت العانداردىڭ تەك 1130-ى نەمەسە 1,7%-ى مۇمكىندىكتى پايدالاندى. بۇل ايماقتاردى قولداۋ ءۇشىن تالاپكەرلەرگە دايىندالۋ جانە كونكۋرسقا قۇجاتتارىن تاپسىرۋ ءۇشىن مەرزىمى كەڭەيتىلدى, جانە كونكۋرسقا ەڭ جاقسى ۇبت ناتيجەسى بار سەرتيفيكاتىن ۇسىنۋ مۇمكىندىگى بەرىلدى, – دەپ جازدى مينيستر.

جوعارى بالل جيناعان 10 مىڭنان استام ادام گرانت الا المادى, ونىڭ ىشىندە 7 مىڭنان استامى شىعارماشىلىق ماماندىقتار بويىنشا ەكەنىن ايتۋ قاجەت.

مىسالى, دەنە شىنىقتىرۋ مۇعالىمدەرىن دايارلاۋ بويىنشا 1 ورىنعا 11 ادام, ءسان جانە ديزاين بويىنشا 9 ادام, ال ستوماتولوگياعا 1 ورىنعا 35 ادامنان كەلدى. قۇرمەتتى تۇلەك, قادىرلى اتا-انا ءبىزدىڭ ماقساتىمىز – ەل ەكونوميكاسىنا قاجەتتى كادرلار دايىنداۋ. گرانت الۋ مۇمكىندىكتەرىڭىز قايتالاپ جازام ءالى دە بار, – دەپ جازدى ساياسات نۇربەك.

3 مىڭعا دەيىن تالاپكەر گرانتتان باس تارتۋى مۇمكىن, ولار كەلەسى جوعارى بالل جيناعان تالاپكەرلەرگە بەرىلەدى.

جەرگىلىكتى اتقارۋشى ورگانداردىڭ ياعني اكىمدىك گرانتتارى بار.

KazEnergy قاۋىمداستىعىنىڭ گرانتتارىن قوسىڭىز.

ح.ا.ياسساۋي اتىنداعى حقتۋ-دە ءبىلىم الۋ ءۇشىن تۇركيا رەسپۋبليكاسىنىڭ 500 گرانتى.

جۇمىس بەرۋشىلەردىڭ گرانتتارى.

تۇركىستانداعى حالىقارالىق تۋريزم جانە قوناقجايلىلىق ۋنيۆەرسيتەتى 800 ماقساتتى گرانت ۇسىنادى.

قازاقستان حالقىنا قورى 850 گرانت بولەدى.

رەكتورلادىڭ گرانتى, مىسالى تۇران-استانا ۋنيۆەرسيتەتى التىن بەلگى يەگەرلەرىنە گرانتتار بولۋدە.

سەسسيا قورىتىندىسى بويىنشا بوس گرانت الۋ مۇمكىندىگى جانە بار.

گرانت الا الماعان تۇلەكتەردى وسى جوعارىداعى مۇمكىندىكتەردى بارىنشا پايدالانۋعا شاقىرامىز, – دەپ قورىتىندىلادى مينيستر