«Úmit úzbeńizder!». Saıasat Nurbek grantsyz qalǵan túlekterge úndeý jasady

Foto: qazaqtv.com

Grant bólýge qatysty áleýmettik jelide qoǵam tarapynan túrli pikirler jazylýda. Osyǵan oraı mınıstr Saıasat Nurbek grant alýdyń túrli nusqalary týraly baıandap berdi, dep habarlaıdy Skifnews.kz aqparat portaly.

Qurmetti bıylǵy talapkerler! Qadirli ata-analar! Sońǵy ýaqytta elimizde oryn alǵan sý tasqyny búkil elge ortaq synaq boldy. Osy jaǵdaıǵa baılanysty, biz joǵary bilim alýǵa granttardyń az ǵana bóligin zardap shekken óńir túlekterine bóldik. Sany kóp te emes, 5112 grant. 20 myńnan astam túlek sý basqan óńirden bitirse, sonyń 10 myńnan astam túlegi ózderińizben birdeı jalpy konkýrspen ótti. Biz ony ádil jáne ashyq túrde bólýge bar kúsh-jigerimizdi saldyq.

Keshegi ata-analar men balalardyń qýanysh jasyn kórip, biz de birge qýandyq. Biraq, ókinishke oraı, grant ala almaǵan túlekter men otbasylardyń muńynda da biz birgemiz. Kóptegen adam mınıstrlikke, maǵan habarlasyp, jazyp jatyr, al osy nátıjeni sabyrmen qabyldaǵandar da bar eken.

Aıtaıyn degenim, úmit úzbeńizder! Grant alý múmkindikteri áli de bar! Bıylǵy konkýrsqa qatysýshylar sany ótken jylmen salystyrǵanda 11 myńǵa kóp, sondyqtan básekelestik te óte joǵary boldy. Sý tasqynynan zardap shekken aımaqtar úshin kvota qarastyrylǵanymen, sol aımaqtardyń talapkerleri jalpy konkýrs boıynsha grant utyp aldy. Grant alǵandardyń tek 1130-y nemese 1,7%-y múmkindikti paıdalandy. Bul aımaqtardy qoldaý úshin talapkerlerge daıyndalý jáne konkýrsqa qujattaryn tapsyrý úshin merzimi keńeıtildi, jáne konkýrsqa eń jaqsy UBT nátıjesi bar sertıfıkatyn usyný múmkindigi berildi, – dep jazdy mınıstr.

Joǵary ball jınaǵan 10 myńnan astam adam grant ala almady, onyń ishinde 7 myńnan astamy shyǵarmashylyq mamandyqtar boıynsha ekenin aıtý qajet.

Mysaly, dene shynyqtyrý muǵalimderin daıarlaý boıynsha 1 orynǵa 11 adam, sán jáne dızaın boıynsha 9 adam, al stomatologııaǵa 1 orynǵa 35 adamnan keldi. Qurmetti túlek, qadirli ata-ana bizdiń maqsatymyz – el ekonomıkasyna qajetti kadrlar daıyndaý. Grant alý múmkindikterińiz qaıtalap jazam áli de bar, – dep jazdy Saıasat Nurbek.

3 myńǵa deıin talapker granttan bas tartýy múmkin, olar kelesi joǵary ball jınaǵan talapkerlerge beriledi.

Jergilikti atqarýshy organdardyń ıaǵnı ákimdik granttary bar.

KazEnergy qaýymdastyǵynyń granttaryn qosyńyz.

H.A.Iassaýı atyndaǵy HQTÝ-de bilim alý úshin Túrkııa Respýblıkasynyń 500 granty.

Jumys berýshilerdiń granttary.

Túrkistandaǵy Halyqaralyq týrızm jáne qonaqjaılylyq ýnıversıteti 800 maqsatty grant usynady.

Qazaqstan halqyna qory 850 grant bóledi.

Rektorladyń granty, mysaly Turan-Astana ýnıversıteti Altyn belgi ıegerlerine granttar bólýde.

Sessııa qorytyndysy boıynsha bos grant alý múmkindigi jáne bar.

Grant ala almaǵan túlekterdi osy joǵarydaǵy múmkindikterdi barynsha paıdalanýǵa shaqyramyz, – dep qorytyndylady mınıstr