ءۇندىستاندا 74 جاستاعى ايەل ەگىز بوساندى

 ۇندىستاننىڭ اندحرا-پرادەش شتاتىندا 74 جاستاعى ايەل ەكو ارقىلى بالا كوتەرىپ, ەكى قىز بوساندى. بۇل تۋرالى  ريا نوۆوستي-گە سىلتەمە جاساپ, BAQ.KZ حابارلايدى.

اۋرۋحانا ديرەكتورىنىڭ ايتۋىنشا, ەرراماتتي مانگايامما كەسار تىلىگى ارقىلى بوسانعان.

«وتا ءساتتى ءوتتى. اناسى مەن بالالارىنىڭ دەنساۋلىعى جاقسى, ومىرىنە ەشقانداي قاۋىپ جوق. بىراق اناسىن سوڭعى بىرنەشە ساعاتتا العان سترەستەن قۇتىلۋ  ۇشىن ينتەنسيۆتى تەراپيا بولىمىنە جاتقىزدىق», – دەدى دارىگەر Hindustan Times-قا بەرگەن سۇحباتىندا.

مانگايامما قىزدارىن ەمىزە المايدى, ولار بانكا ارقىلى دونور ءسۇتىن ءىشىپ جاتىر. ديرەكتوردىڭ ايتۋىنشا, ايەلدە ديابەت جانە گيپەرتەنزيا سەكىلدى اۋىر دياگنوزدار بولماعاندىقتار, ايەل بالالاردى امان-ەسەن بوسانعان.

مانگايامما مەن ونىڭ 80 جاستاعى كۇيەۋى رايا راو 1962 جىلدىڭ 22 ناۋرىزىندا ۇيلەنگەن. سوڭعى 57 جىل ىشىندە ولار بالالى بولۋعا تىرىسقان. تەك وسى جىلدىڭ قاڭتار ايىندا 74 جاستاعى ايەل ەكو ارقىلى جۇكتى بولادى.

بۇعان دەيىن ۇندىستاندىق ومكاري پانۆار ەكو ارقىلى ءسابي سۇيگەن ەڭ ەگدە جاستاعى ايەل بولىپ سانالاتىن. ول 2008 جىلى 70 جاسىندا ەگىزدەردى بوسانعان.