Úndistanda 74 jastaǵy áıel egiz bosandy

 Úndistannyń Andhra-Pradesh shtatynda 74 jastaǵy áıel EKO arqyly bala kóterip, eki qyz bosandy. Bul týraly  RIA Novostı-ge silteme jasap, BAQ.KZ habarlaıdy.

Aýrýhana dırektorynyń aıtýynsha, Erramattı Mangaıamma kesar tiligi arqyly bosanǵan.

«Ota sátti ótti. Anasy men balalarynyń densaýlyǵy jaqsy, ómirine eshqandaı qaýip joq. Biraq anasyn sońǵy birneshe saǵatta alǵan stresten qutylý  úshin ıntensıvti terapııa bólimine jatqyzdyq», — dedi dáriger Hindustan Times-qa bergen suhbatynda.

Mangaıamma qyzdaryn emize almaıdy, olar banka arqyly donor sútin iship jatyr. Dırektordyń aıtýynsha, áıelde dıabet jáne gıpertenzııa sekildi aýyr dıagnozdar bolmaǵandyqtar, áıel balalardy aman-esen bosanǵan.

Mangaıamma men onyń 80 jastaǵy kúıeýi Raıa Rao 1962 jyldyń 22 naýryzynda úılengen. Sońǵy 57 jyl ishinde olar balaly bolýǵa tyrysqan. Tek osy jyldyń qańtar aıynda 74 jastaǵy áıel EKO arqyly júkti bolady.

Buǵan deıin úndistandyq Omkarı Panvar EKO arqyly sábı súıgen eń egde jastaǵy áıel bolyp sanalatyn. Ol 2008 jyly 70 jasynda egizderdi bosanǵan.