Úndistannyń soqqysynan Pákistanda 26 adam qaza tapty

Pákistan bıliginiń málimetinshe, Úndistannyń soqqysy nátıjesinde 26 adam qaza tapty. Bul týraly qandastar.kz saıty habarlaıdy.

Pákistan bıliginiń málimetinshe, 7 mamyr kúni tańerteńgi jaǵdaı boıynsha úndistandyqtardyń el aýmaǵyna jasaǵan soqqylary saldarynan 26 turǵyn qaza taýyp, 46-sy jaralanǵan.

Soqqylar alty azamattyq nysanaǵa tıgen, olardyń eshqaısy áskerı baza emes. Úndistan bul soqqylardyń tek «belgili lańkesterdiń lagerlerine» baǵyttalǵanyn alǵa tartady.

Pákistan qorǵanys mınıstrliginiń ókili áskerıler Úndistannyń bes joıǵysh ushaǵyn atyp túsirgenin aıtty.Úndistan bıligi bul aqparatty rastamaıdy.

VVS basylymynyń derekkózderiniń aıtýynsha, Kashmır aýmaǵynda Úndistan áýe kúshteriniń úsh ushaǵy qulaǵan. Alaıda Úndistan úkimeti buǵan qatysty málimdeme jasamady.

Eske salsaq, Pákistan áskeri Úndistan áýe kúshteriniń zymyrandarmen soqqy jasaǵanyn málimdegen edi.