«ۇنەمى جاس جىگىت ىزدەيدى»: ءىت مامانى ءوزىن مەكتەپ ورىنباسارى ىشكىزىپ, زورلاعانىن ايتتى

الەۋمەتتىك جەلىلەردە اتىراۋ قالاسىنداعى مەكتەپتەردىڭ ءبىرىنىڭ بۇرىنعى قىزمەتكەرى ءبىلىم ورداسىنىڭ باسشىلىعىنا قاتىستى اۋىر ايىپتاۋلار جاريالادى, دەپ جازادى qandastar.kz Alash.kz-كە سىلتەمە جاساپ.

ونىڭ ايتۋىنشا, ول 2013 جىلى №30 مەكتەپكە جۇمىسقا ورنالاسقاننان كەيىن, ۇجىمدىق شاراعا قاتىسقان. سول كەشتەن سوڭ ءوزىن ەرىكسىز جاعدايدا قالعانىن, ەسىندە تەك داستارحان باسىندا وتىرعان ءساتى عانا قالعانىن, ال تاڭەرتەڭ ويانعاندا ءوزىن جالاڭاش كۇيدە تاپقانىن جەتكىزدى. ايتۋىنشا, بۇل جيىن مەكتەپ ديرەكتورىنىڭ ورىنباسارىنىڭ ۇيىندە وتكەن.

بۇرىنعى قىزمەتكەردىڭ سوزىنشە, كەيىن ول ورىنباساردان قىسىم كورىپ, ءجاسوسپىرىم ۇل بالالاردى تاۋىپ بەرۋگە ماجبۇرلەنگەن. 12 جىل وتكەن سوڭ ول بۇل جايتتى جاريا ەتۋگە بەل بۋعان, سەبەبى سول كەزدەگى ورىنباسار بۇگىندە قالاداعى وزگە مەكتەپتىڭ ديرەكتورى بولىپ قىزمەت اتقارىپ وتىر.

اتالعان جاعدايعا قاتىستى اتىراۋ وبلىستىق ءبىلىم باسقارماسى رەسمي پىكىر ءبىلدىردى:

«الەۋمەتتىك جەلىلەردە مەكتەپ مۇعالىمىنە قاتىستى جاريالانعان دەرەكتەر بويىنشا ءبىلىم باسقارماسى تەكسەرىس جۇرگىزەدى. سونىمەن قاتار بۇل اقپاراتتى جاريالاعان ازاماتقا قۇقىق قورعاۋ ورگاندارىنا جۇگىنىپ, وقيعانى جان-جاقتى ءارى ءادىل قاراۋعا مۇمكىندىك بەرۋ ۇسىنىلادى», – دەلىنگەن حابارلامادا.