«Únemi jas jigit izdeıdi»: IT mamany ózin mektep orynbasary ishkizip, zorlaǵanyn aıtty

Áleýmettik jelilerde Atyraý qalasyndaǵy mektepterdiń biriniń burynǵy qyzmetkeri bilim ordasynyń basshylyǵyna qatysty aýyr aıyptaýlar jarııalady, dep jazady qandastar.kz Alash.kz-ke silteme jasap.

Onyń aıtýynsha, ol 2013 jyly №30 mektepke jumysqa ornalasqannan keıin, ujymdyq sharaǵa qatysqan. Sol keshten soń ózin eriksiz jaǵdaıda qalǵanyn, esinde tek dastarhan basynda otyrǵan sáti ǵana qalǵanyn, al tańerteń oıanǵanda ózin jalańash kúıde tapqanyn jetkizdi. Aıtýynsha, bul jıyn mektep dırektorynyń orynbasarynyń úıinde ótken.

Burynǵy qyzmetkerdiń sózinshe, keıin ol orynbasardan qysym kórip, jasóspirim ul balalardy taýyp berýge májbúrlengen. 12 jyl ótken soń ol bul jaıtty jarııa etýge bel býǵan, sebebi sol kezdegi orynbasar búginde qaladaǵy ózge mekteptiń dırektory bolyp qyzmet atqaryp otyr.

Atalǵan jaǵdaıǵa qatysty Atyraý oblystyq Bilim basqarmasy resmı pikir bildirdi:

«Áleýmettik jelilerde mektep muǵalimine qatysty jarııalanǵan derekter boıynsha Bilim basqarmasy tekseris júrgizedi. Sonymen qatar bul aqparatty jarııalaǵan azamatqa quqyq qorǵaý organdaryna júginip, oqıǵany jan-jaqty ári ádil qaraýǵa múmkindik berý usynylady», – delingen habarlamada.