“ۋرا, ەندى ماعان ۇرىسپايسىزدار!“. قاراعاندى اكىمىنىڭ جازباسى جۇرتتى كۇلدىردى

فوتو: كۋرسيۆ.كز

قاراعاندى قالاسىنىڭ اكىمى مەيرام كوجۋحوۆ Instagram-پاراقشاسىندا جول قۇرىلىسى اياقتالعانى تۋرالى جازىپ, جۇرتتى كۇلدىردى, – دەپ حابارلايدى qandastar.kz Massaget.kz ماتەريالىنا سۇيەنىپ.

«ۋرا! دوستار, مەنى ەرتەڭنەن باستاپ ۇرىسپايتىندارىڭىزعا قۋانىپ وتىرمىن! بۇل ءساتتى سىزدەردەن بۇرىن مەن قاتتى كۇتتىم. چەتسكايا كوشەسىندەگى جوندەۋ جۇمىستارىنىڭ اياقتالۋىنا از قالدى. مەن قاتتى قۋانىپ وتىرمىن.

بۇعان دەيىن دۇيسەمبەكوۆ كوشەسىنەن بۇقار جىراۋ كوشەسىنە دەيىنگى جولدى اشقان بولاتىنبىز, دەيدى.

مەيرام كوجۋحوۆ قالعان كوشەلەردەگى جوندەۋ جۇمىستارى نە ءۇشىن كەشىگىپ جاتقانىن تۇسىندىرگەن.

اكىمنىڭ وقىرماندارى بۇل جازباسىنا ءتۇرلى پىكىر قالدىرعان.

«كىم نە دەسە دە – جارايسىز! ءسىزدى بەتپە-بەت كورىپ, سوزىمەن ەمەس, ىسىمەن دالەلدەپ جۇرگەن ءبىرىنشى اكىمسىز!»

«كۇشتى جاڭالىق, راقمەت سىزگە! جۇمىسكەرلەردىڭ دە ەڭبەگى زور, جاراي̆سىزدار!»

«وسىلاي ەلدىڭ باتاسىن الۋعا تىرىسۋ كەرەك», – دەيدى جەلى قولدانۋشىلارى.  

ايتا كەتەيىك, مەيرام كوجۋحوۆ 2023 جىلدان باستاپ قاراعاندى قالاسىنىڭ اكىمى بولىپ قىزمەت ەتىپ كەلە جاتىر. بۇعان دەيىن ول قالا اكىمىنىڭ ورىنباسارى بولعان.

اكىم الەۋمەتتىك جەلىدە بەلسەندى. ونىڭ Instagram-پاراقشاسىندا 14 مىڭ وقىرمانى بار.