“Urǵan bes oqýshy muǵalimniń balasy”: Aqtóbede tóbelesten keıin kóz jumǵan oqýshynyń týysy kinálilerdi jaýapqa tartýdy surady

Foto: ashyq derekkóz

Aqtóbe oblysy Qopa aýylynda oqýshylar arasyndaǵy tóbelesten keıin qaza bolǵan 14 jastaǵy Nurjan Sydyqtyń denesi jer qoınyna tapsyryldy. Bul týraly Stan.kz aqparat agenttigi habarlaıdy.

Marqumnyń týystarynyń aıtýynsha, 9 synypta oqıtyn uldaryn 10-11 synyp oqýshylary aýyldyń shetine shaqyryp urǵan. Ata-anasy jetkende balasynyń jansyz denesin ǵana tapqan.

“Toptasyp jasalǵan áreket. Sol toptaǵylardyń bári jaýapqa tartylsyn. Baýyrymdy shyǵaryp jatqanda bir ata-ana balasyn ertip, keshirim surap keldi. Ol “men de urdym” dep keshirim surady. Kináli tek eki bala emes. Joǵary synypta oqıtyn 5-6 bala uryp tur. Ishinde beseýi muǵalimniń balasy. Naǵashy aǵasy aýdandyq polıııa bóliminde isteıtin bala bostandyqta júr. О́zi kishkentaı aýyl bári biledi. Ol bala únemi aýyl balalaryna álimjettik jasap júredi. О́zi muǵalimniń balasy. Qasynda bolǵan balalardyń bári sonyń urǵanyn aıtyp otyr”, – dedi marqumnyń apasy Mereke Qaldybaeva.

Marqumnyń apasynyń sózinshe, qaıǵyly oqıǵa oryn alar kúni keshkisin balany synyptastary ertip alyp ketken.

“Saǵat 23:00 shamasynda onyń talyp qalǵandyǵy týraly habar jetti. Aýyldyń shetine aparyp balalar sabaǵan. 9 synyp uldaryn 10-11 synyp balalary shaqyryp urǵan. Bári uryp shyqqan. Bokser bala eki soqqy bergende qulaǵan. Kúre tamyry úzilip, basy isip ketken. Qazir eki balany ǵana qamady. Naǵashy aǵasy polıııada isteıtin bul bala ursa da kúdiktiler qatarynan qalaı shyǵyp qalady? Bul tanystary bar otbasy. Bizge ádildik kerek. Barlyq bala jazasyn alsyn. Azǵantaı ǵana 250 balasy bar mektep tártip qaıda, aýyldyń ýchastkelik polıııa qyzmetkeri eshqandaı jumys júrgizbeıdi. Buǵan deıin de baýyrymdy tarıh páni sabaǵynda mektep praktıkanty moınynan qylqyndyryp, jazasyz qaldy. Ata-anasyna bul týraly aıtpaǵan. Teksersin bárin”, – dedi marqumnyń apasy Mereke Qaldybaeva.

Týystarynyń qolynda kýágerlerdiń oqıǵany baıandaǵyn aýdıo jazbasy júr. Onda balany birneshe ret urǵany aıtylady.

“Nurjan qoryldap, talyp jatqan. Múmkin aman qalar ma edi. Birinshi urǵanda-aq taldyryp tastaǵan. Esin jıǵanda qaıtyp urǵan. Nurjandy bári súırep aparǵan. Buryn mektepti bitirip ketken Ázız degen bala sol jerge mashınamen kelgende bári jan-jaqqa qashqan. Jedel járdem shaqyrǵan. Aýa jutsyn dep Nurjannyń ókpesinen basqanda murnynan qan shyqqan”, – delingen jazbada.

Týystary 14 jastaǵy Nurjan Sydyqtyń kóńildi júretinin, qoǵamdyq sharalarǵa belsendi qatysqanyn aıtady.

Atalǵan jaǵdaıdy bas prokýror jeke baqylaýyna alatynyn habarlaǵan. Qazirgi ýaqytta Qopa aýyldyq mektebi dırektorynyń óz erkimen jumystan shyqqany belgili boldy.

“Mektep dırektory oqıǵa oryn alǵanǵa deıin otbasy jaǵdaıyna baılanysty jumystan bosatý jóninde aryz jazǵan sol sebepten óz erkimen jumystan shyqty”, – dedi Aqtóbe oblysy bilim basqarmasynyń basshysy Jaıyq Sultan.

Bilim basqarmasynyń málimetinshe, mektep dırektory bul qyzmetti 9 jyl atqarǵan.

Eske sala keteıik, buǵan deıin Aqtóbe oblysynda oqý jylynyń alǵashqy kúninde, ıaǵnı 2 qyrkúıekte oqýshylar tóbelesip, 14 jastaǵy bala qaıtys bolǵan edi. Polıııanyń málimetinshe, jasóspirimder arasyndaǵy tóbeles 2 qyrkúıek kúni túnde Aqtóbe oblysy Temir aýdany Qopa aýylynda bolǵan.

Oqıǵaǵa qatysty aýyl mektebiniń 18 oqýshysynan jaýap alynyp, 2 adam kúdikti retinde qamaýǵa alynǵan.