Ury men polıııa sybaılas pa? – Maqsat Tolyqbaı

Foto:Maksat Tolykbaev

Májilis depýtaty Maqsat Tolyqbaı Ishki ister mınıstri Erjan Sadenovke mal urlyǵynyń aldyn-alý boıynsha keshendi sharalardy qoldanýǵa qatysty depýtattyq saýal joldady, dep jazdy qandastar.kz

«Aýyldaǵy jurt osy azyn-aýlaq malynyń arqasynda kún kórip, jan baǵyp júr. Biraq, eldegi buqara baýkespe urylardan ábden záre-záp bolǵan.  Aqyry Prezıdentten kómek suraýǵa májbúr bolǵan Shyǵys Qazaqstan oblysy, Qatonqaraǵaı aýdany turǵyndarynyń áleýmettik jelige shyqqan vıdeoúndeýlerin kórgen shyǵarsyzdar?! Maǵan da ondaǵan adam habarlasty. Ishki ister mınıstrligi málimdeme  jasar dep bes kún kúttik. Alaıda eshqandaı reakııa joq. Katonqaraǵaıǵa qarasty Shyńǵystaıdyń shyrqyn osy urylar buzyp bitirdi. Alaqandaı aýyl halqyna ury-qarynyń qorlyǵy ábden ótken. Tózimderi taýsylyp, senimderi setinegen el endi bar úmitterin El basshylyǵyna artyp, ıaǵnı Prezıdentten kómek surap otyr. О́ıtkeni qoı qoralap, iri-qara tabyndap, jylqysy úıir-úıirimen joǵalyp jatqan soń qaıtsin?! Polıııa degennen ábden kúder úzgen. Osy kúnge deıin qanshama maly qoldy bolyp, urlansa da, polıııa birde-bir «tyshqaq laqtyń» saıdan sanyn, qumnan izin tappaǵan. Bul neni kórsetedi?! Ne izdeýge qulyqsyz nemese ury men polıııa aýyz jalasyp, ymyralysyp, yntymaqta jumys isteıdi. Aqıqaty osy. Basqasha aıtý múmkin emes!», – deıdi depýtat.

Maqsat Tolyqbaıdyń aıtýynsha, áýre sarsańǵa túsken halyq aýdandyq, oblystyq ishki ister organdarynyń tabaldyryǵyn tozdyryp, ábden qajyǵan.

«Sonda da polıııaǵa bári-bir. Jany ashymastyń, basy aýyrmas. Mal urlyǵynan shyrqy buzylyp, shydamdary taýsylǵan jalǵyz Shyńǵystaı emes. Baýkespeler Shyńǵystaıǵa irgeles jatqan О́rnek, Jańa úlgi, Aqqaınar, Jambyl, Eńbek sekildi eldi mekenderde de emen-erkin shaıqap, jurttyń dymyn qaldyrmaı, erik-jigerlerin ábden qum etken. Aýyldan aýdanǵa aryz arqalap baratyn aǵaıyn «polıııadan esh qaıran joq, joǵalǵan maldy izin sýytpaı izdemeıdi» dep nalıdy. Qaıtalap aıtam. Ury men polıııa bir, sybaılas pa? Áıtpese, qudaı-aý, jyl on eki aıda bir aýyldyń ǵana emes, bútin bir aýdannan bir joq tabylar edi ǵoı… Joq, ábden dandaısyǵan urylyr tipti, aıylyn jııar emes!», – deıdi M. Tolyqbaı.

Depýtat qylmystyq kodeks boıynsha mal urlyǵy ortasha aýyr qylmys ekenin aıtyp ótti.

«Asa iri mólsherde jasalǵan mal urlaǵandar 7 jyldan 12 jylǵa deıingi sottalady» dep halyqty sendirgimiz keledi. Tipti, mal urlyǵy azaıyp keledi dep bizdi de ishki ister organdary sendirgileri keledi. Al is júzinde bári kerisinshe.

Qurmetti Ishki ister mınıstri jáne onyń eldegi barlyq jeke quramy! Sizderdiń nazarlaryńyzǵa!  Qazaq «Mal ashýy – jan ashýy» deıdi. Jurttyń jan ashýyn qozdyryp, jarasyna tuz sebe bermeńizder! Ashynǵan halyq barymtaǵa qarymta qaıtaramyz dese, ony myna biz túgili Siz jáne Siz basqaryp otyrǵan mınıstrliktiń jeke quramy toqtata almaıtynyńyzdy taǵy da esińizge salǵym keledi. Halyqpen oınamańyzdar! Oılanyńyzdar! Qaıta joǵaryda aty atalǵan aýyldardyń máselesin jiti qadaǵalap, Shyǵys Qazaqstan oblysy Qatonqaraǵaı aýdanynda arnaıy reıd júrgizip, mal urlyǵynyń aldyn-alý men urylardy ustaý boıynsha keshendi sharalardy qolǵa alýdy suraımyn», – deıdi depýtat.