«Uryp-soǵyp, atys qarýyn qoldanǵan»: Almaty taýlarynda motoıklshilerge shabýyl jasaldy

Almaty oblysy Qarasaı aýdanyna qarasty Qaskeleń taýynda malshylar motoıklshi-endýrısterge shabýyl jasady. Bul týraly Stan.kz aqparat agenttigi habarlaıdy.

Olar motoıklshilerge shabýyl jasap, uryp-soǵyp, atys qarýyn qoldanǵan. Atalǵan iske qatysty jábirlenýshiler Almaty oblysynyń polıııasyna aryzdanǵan.

Kadrlardan at tizgindegen er adamnyń aldymen motoıkl júrgizýshileriniń biriniń basynan soqqanyn baıqaýǵa bolady. Taǵy eki adam qosylyp, baıkerdi uryp-soǵyp, jerge qulatqan. Shabýyl jasaýshylardyń biriniń qolynda Kalashnıkov avtomatyna uqsas atqysh quraly bar.

Almaty oblysynyń polıııa departamenti atalǵan jaǵdaıǵa qatysty túsinikteme berdi.

«2024 jyldyń 14 shildesinde áleýmettik jeliler men WhatsApp messendjerine júrgizilgen monıtorıng barysynda 13 shildede Qaskeleń taýynda túsirilgen vıdeo anyqtaldy. Onda qolynda myltyǵy bar úsh er adamdy baıqaýǵa bolady. Olar buzaqylyq nıetpen úsh motoıkl júrgizýshisine dene jaraqatyn salǵan. Atalǵan fakti Qylmystyq kodekstiń 293-babynyń 3-bóligi (Buzaqylyq) boıynsha tirkeldi”, – delingen habarlamada.

Qazir Ulttyq qaýipsizdik komıteti qyzmetkerleri qylmyskerlerdi anyqtaý jáne ustaý boıynsha jedel-izdestirý sharalaryn júrgizip jatyr.