ۇرىپ-سوعىپ, مازاق ەتتى: قازا تاپقان 19 جاستاعى ساربازدىڭ اناسى اشىق سوتتى تالاپ ەتتى

فوتو: khabar.kz

ۇلتتىق ۇلاننىڭ قازا تاپقان 19 جاستاعى ساربازى الماس شاحيموۆتىڭ اناسى ينديرا تۋعانباەۆا اشىق سوتتى تالاپ ەتتى, دەپ حابارلايدى  qandastar.kz  اقپارات پورتالى tengrinews.kz سايتىنا سىلتەمە جاساپ.

ينديرا تۋعانباەۆا اسكەري قىزمەتكەر داۋىل كەزىندە قازا تاپتى دەپ مالىمدەگەن ۇلتتىق ۇلانعا سەنبەيتىنىن مالىمدەدى.

« ۇلىما اسكەردە شاتىر قۇلاپ قايتىس بولدى دەپ ايتىلدى. ولار بۇعان سەندىرە الدى. ءبىز بىلتىر 8 جەلتوقساندا, ۇلىمىز قايتىس بولعان سوڭ 1,5 جىلدان كەيىن الماستىڭ دەنەسىن ەكسگۋماتسيالادىق. ءبىز تاۋەلسىز ساراپشىنى جالدادىق جانە ول ۇلىمىزدىڭ كەشكى ساعات 7-دە قايتىس بولعانىن انىقتادى. ال داۋىل كەشكى 9-دا بولدى. سونداي-اق ساراپشى پىشاق جاراقاتىن راستادى جانە بۇل شاتىر قۇلاۋىنىڭ سالدارىنان بولعان ءولىم ەكەنىن جوققا شىعاردى», – دەپ جازدى ول.

قايتىس بولعان ۇلتتىق ۇلان ساربازىنىڭ اناسى ۇلىنىڭ قىزمەتتە قورلىق كورگەنىنە سەنىمدى. ونىڭ سوزىنشە, ساربازدىڭ دەنەسىنىڭ بولىكتەرى كوگەرگەن, ۇرىپ-سوعۋ ىزدەرى, تەمەكى كۇيىكتەرى بايقالادى.

ء«وزىنىڭ جازالانبايتىنىنا سەنىمدى ادامدار كوزىمىزگە تىك قاراپ, وتىرىك ايتىپ جاتىر. بىزگە ادىلەتتىلىككە جەتۋگە كومەكتەسۋلەرىڭىزدى سۇرايمىز. بىزگە شۇعىل ادۆوكاتتار كەرەك, اشىق سوتتى تالاپ ەتەمىز», – دەپ تولىقتىردى تۋعانباەۆا.