Uryp-soǵyp, mazaq etti: qaza tapqan 19 jastaǵy sarbazdyń anasy ashyq sotty talap etti

Foto: khabar.kz

Ulttyq ulannyń qaza tapqan 19 jastaǵy sarbazy Almas Shahımovtyń anasy Indıra Týǵanbaeva ashyq sotty talap etti, dep habarlaıdy  qandastar.kz  aqparat portaly tengrinews.kz saıtyna silteme jasap.

Indıra Týǵanbaeva áskerı qyzmetker daýyl kezinde qaza tapty dep málimdegen Ulttyq ulanǵa senbeıtinin málimdedi.

«Ulyma áskerde shatyr qulap qaıtys boldy dep aıtyldy. Olar buǵan sendire aldy. Biz byltyr 8 jeltoqsanda, ulymyz qaıtys bolǵan soń 1,5 jyldan keıin Almastyń denesin eksgýmaııaladyq. Biz táýelsiz sarapshyny jaldadyq jáne ol ulymyzdyń keshki saǵat 7-de qaıtys bolǵanyn anyqtady. Al daýyl keshki 9-da boldy. Sondaı-aq sarapshy pyshaq jaraqatyn rastady jáne bul shatyr qulaýynyń saldarynan bolǵan ólim ekenin joqqa shyǵardy», – dep jazdy ol.

Qaıtys bolǵan Ulttyq ulan sarbazynyń anasy ulynyń qyzmette qorlyq kórgenine senimdi. Onyń sózinshe, sarbazdyń denesiniń bólikteri kógergen, uryp-soǵý izderi, temeki kúıikteri baıqalady.

«О́ziniń jazalanbaıtynyna senimdi adamdar kózimizge tik qarap, ótirik aıtyp jatyr. Bizge ádilettilikke jetýge kómektesýlerińizdi suraımyz. Bizge shuǵyl advokattar kerek, ashyq sotty talap etemiz», – dep tolyqtyrdy Týǵanbaeva.