ءۇش ادامدى ولتىرگەن قىلمىسكەر الماتىدا ەمىن-ەركىن ءجۇر

الماتىدا كوپشىلىك اشۋ-ىزاعا بۋلىقتىرعان جاعداي تىركەلدى, دەپ حابارلايدى Qandastar.kz Skifnews.kz اقپارات پورتالىنا سىلتەمە جاساپ.

2018 جىلى جەلتوقساندا كولىك جۇرگىزۋشىسى جول اپاتىنان ءۇش ادامنىڭ ءومىرىن قيدى. ءبىر ايەل مۇگەدەك بولىپ قالدى. سوت ايىپتىعا 10 جىلعا جازا كەسكەن. بىراق بۇگىن ول قىلمىسكەر جازاسىن وتەۋدىڭ ورنىنا قالاداعى مەيرامحانالار مەن ساۋدا ورتالىقتارىندا ەمىن-ەركىن جۇرگەنى انىقتالدى. قازا تاپقانداردىڭ تۋىستارىنىڭ ايتۋىنشا, ايىپتالۋشى جازاعا لايىقتى تۇردە وتىرماي, «ەڭ جاقسى ءومىرىن» ءسۇرىپ ءجۇر. ولار: «4 وتباسى قايعىدان قان جۇتىپ وتىرعاندا, ول ادام ەشتەڭە بولماعانداي ءومىر ءسۇرىپ ءجۇر. بۇل قالايشا ادىلەتتىلىك بولادى?» – دەپ اشىنىپ وتىر. الەۋمەتتىك جەلىدە دە حالىقتىڭ اشۋى ءورشىدى.

– «ەگەر ادام 10 جىلعا سوتتالعان بولسا, ونىڭ بوستاندىقتا ءجۇرۋى – زاڭعا دەگەن سەنىمدى كۇيرەتۋ», – دەپ جازدى ءبىر تۇرعىن.

– «قىلمىسكەر وتىرۋى كەرەك, قالادا سەرۋەندەمەۋى ءتيىس», – دەدى تاعى ءبىرى.

مارقۇمداردىڭ تۋىستارى اقشاعا كەلىسپەگەنىن ايتادى.

«بىزدەن “اقشا الىپ قويدى” دەپ وسەك تاراتتى. بىراق شىندىق باسقا – ءبىز ەشقانداي اقشا المايمىز, تەك ءادىل جازاسىن وتەسىن دەدىك», – دەيدى ولار.

قوعام بەلسەندىلەرى باس پروكۋراتۋرا مەن قاج كوميتەتىنەن رەسمي جاۋاپ كۇتۋدە. قاراپايىم حالىق ءۇشىن ءبىر زاڭ, ال تانىسى بارلارعا ەكىنشى زاڭ ءجۇرۋى – ەل سەنىمىن شايقالتاتىنى انىق.