Úsh adamdy óltirgen qylmysker Almatyda emin-erkin júr

Almatyda kópshilik ashý-yzaǵa býlyqtyrǵan jaǵdaı tirkeldi, dep habarlaıdy Qandastar.kz Skifnews.kz aqparat portalyna silteme jasap.

2018 jyly jeltoqsanda kólik júrgizýshisi jol apatynan úsh adamnyń ómirin qıdy. Bir áıel múgedek bolyp qaldy. Sot aıyptyǵa 10 jylǵa jaza kesken. Biraq búgin ol qylmysker jazasyn óteýdiń ornyna qaladaǵy meıramhanalar men saýda ortalyqtarynda emin-erkin júrgeni anyqtaldy. Qaza tapqandardyń týystarynyń aıtýynsha, aıyptalýshy jazaǵa laıyqty túrde otyrmaı, «eń jaqsy ómirin» súrip júr. Olar: «4 otbasy qaıǵydan qan jutyp otyrǵanda, ol adam eshteńe bolmaǵandaı ómir súrip júr. Bul qalaısha ádilettilik bolady?» – dep ashynyp otyr. Áleýmettik jelide de halyqtyń ashýy órshidi.

– «Eger adam 10 jylǵa sottalǵan bolsa, onyń bostandyqta júrýi – zańǵa degen senimdi kúıretý», – dep jazdy bir turǵyn.

– «Qylmysker otyrýy kerek, qalada serýendemeýi tıis», – dedi taǵy biri.

Marqumdardyń týystary aqshaǵa kelispegenin aıtady.

«Bizden “aqsha alyp qoıdy” dep ósek taratty. Biraq shyndyq basqa – biz eshqandaı aqsha almaımyz, tek ádil jazasyn ótesin dedik», – deıdi olar.

Qoǵam belsendileri Bas prokýratýra men QAJ komıtetinen resmı jaýap kútýde. Qarapaıym halyq úshin bir zań, al tanysy barlarǵa ekinshi zań júrýi – el senimin shaıqaltatyny anyq.