«ءۇش كۇننەن كەيىن حابارلاسامىن»: بايان ماقساتقىزى يرينا كايراتوۆنا توبىنا ەسكەرتۋ جاسادى

فوتو: https://www.instagram.com/bayanmaxatkyzy

تانىمال پروديۋسەر بايان ماقساتقىزى Kesh You-مەن بىرگە ءان ايتپاعان يرينا كايراتوۆنا توبىن سىنادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

مەديا مەنەدجەر اتالعان توپ كەلىسپەگەسىن Snoop Dogg-قا حابارلاسقان.

«يرينا كايراتوۆناعا بىزبەن فيت ايتۋعا ءوتىنىش ايتىپ تۇرعان ءسات. ولار ءبىر رەت باس تارتتى. بىراق مەن ءۇمىتىمدى ۇزبەيمىن. تالانتتى ادامدارمەن جۇمىس ىستەۋ وڭاي بولماعان, ال ولارمەن كەلىسىمگە كەلۋ ودان دا قيىن… يرينا كايراتوۆنا, ۇيالساڭدارشى! Snoop Dogg ءبىر جىل ويلاندى, سوسىن وعان قاتتى ۇناپ قالدى. بارلىق قىزداردان قۇرالعان توپ تا اقىرىنا دەيىن كۇتتى. ءبىز ءتوزىمدىمىز, قىرسىقپىز, سۇلۋمىز, تالانتتىمىز جانە ۇنەمى ءبىر تولقىندامىز! ءۇش كۇننەن كەيىن حابارلاسامىن», – دەپ جازدى بايان ماقساتقىزى.

جەلى قولدانۋشىلارى ءتۇرلى پىكىر ءبىلدىرىپ, ەكى توپتىڭ باعىتى بولەك ەكەنىن جارىسا جازىپ جاتىر.

«تۇرار, ميراستارمەن ايتسا بولادى, يرينا كايراتوۆنانىڭ باعىتى بولەك», «يرينا كايراتوۆنا, وسىدان فيت ايتساڭدار, سەندەردى تىڭدامايمىن», «سنۋپقا ءبارىبىر عوي, اقشاسى تولەنسە بولدى», «يك جىگىتتەرى ءتىپتى گونورارعا قارامايدى, پرينتسيپ ۇستانادى», «Snoop Dogg Maxi شايدىڭ جارناماسىنا ءتۇستى», – دەيدى كوپشىلىك.

ەسكە سالايىق, KeshYou مەن Snoop Dogg-تىڭ جاڭا بەينەبايانى سىنعا قالعانىن جازعان ەدىك.